Փաստ ինֆո

Թերթը գրում է, որ դեռևս 2012թ. դեկտենբերի 25-ին ՀՀ ճանապարհային ոստիկանության 1-ին սպայական գումարտակի հրամանատար Արսեն Արշակյանը լրագրողների հետ զրույցում նշել էր, որ ամանորյա տոներին խիստ են վարվելու այն վարորդների հետ, ովքեր ոչ սթափ վիճակում ավտոմեքենա կվարեն` նշելով, որ ի տարբերություն նախորդ տարիների` այս տարի վարորդների պատճառով ուղևորները չեն տուժի, քանի որ նրանց ապահով տեղ կհասցնի ճանապարհային ոստիկանը` վարորդի փոխարեն վարելով մեքենան:

Թերթի թղթակիցը հարցում է անցկացրել, որի ընթացքում քաղաքացիներից ոչ մի բողոք չի լսել, իսկ տաքսու վարորդները վկայել են, որ ամանորյա տոներին ՃՈ մեքենաներ գրեթե չեն եղել:

Թերթի թղթակիցը զրուցել է նաև ճանապարհային ոստիկանության մի քանի աշխատակիցների հետ, ովքեր հայտնել են, որ այս տարի Երևան քաղաքում վթարներ եղել են, բայց քիչ և ոչ մահացու ելքով: Իսկ հարցին, թե քանի մարդ է վերջին օրերին տուգանվել` ալկոհոլ օգտագործած վիճակում մեքենա վարելու համար, ՃՈ տեսուչներից մեկը պատասխանել է. «Լկտի վարորդները, ովքեր իրենց ճիշտ չեն պահում, ալկոհոլ օգտագործած են եղել, միշտ էլ պատժվել են»:

ՀՀ ՃՈ 1-ին սպայական գումարտակի հրամանատար Արսեն Արշակյանի խնդրանքը վարորդներին, որ խախտումներ չանեն, կարծես թե, ըստ ճանապարհային ոստիկանների, ընդունվել է: