Փաստ ինֆո

Ինֆոմացիայի ազատության կենտրոնի Սև ցուցակում հայտնվել են 14 կառույց, իսկ Սպիտակում՝ 2 կառույց:

«Հայաստանի Հանրապետական կուսակցությունը ևս հայտնվել է «Ինֆոմացիայի ազատության կենտրոն»-ի Սև ցուցակում,- այսօր լրագրողների հետ հանդիպման ժամանակ ասաց «Ինֆոմացիայի ազատության կենտրոն»-ի նախագահ Շուշան Դոյդոյանը՝ հավելելով, որ նրանց դիմել են փուչիկների գործով տեղեկատվություն ստնալու համար, սակայն, թե՛ առաջին հարցումը և թե՛ կրկնակի հարցումը մնացել է անպատասխան:

Անդրադառնալով տեղեկատվության ազատության ոլորտում առկա խնդիրներին՝ Շուշան Դոյդոյանը նշեց, որ «առաջին խնդիրը դեռևս մնում է մարդկանց հարցումներն անպատասխան թողնելը, երկրորդը օրենքով սահմանված ժամկետների խախտումը, իսկ երրորդը թերի և անհիմն պատասխանների տրամադրումը»:

«Սև ցուցակում ընդգրկված 14 պաշտոնյաները անպատասխան են թողել ինչպես առաջին այնպես էլ կրկնակի հարցումները»,- ասաց Շուշան Դոյդոյանը:

Բարգավաճ Հայաստան կուսակցության, «Հայ Ազգային կոնգրես» և Հայաստանի Դեմոկրատական կուսակցության ղեկավարները չեն տրամադրել ԱԺ-ի ընտրությունների ժամանակ իրենց ֆինանսական ծախսերի և ֆինանսական աղբյուրների վերաբերյալ տեղեկատվություն: Բարգավաճ Հայաստան կուսակցության և Հայաստանի Դեմոկրատական կուսակցության դեմ «Ինֆորմացիայի ազատության կենտրոն»-ը դատական հայց է ներկայացրել՝ դատարանի միջոցով համապատասխան ինֆորմացիան ստանալու համար:

Շուշան Դոյդոյանի խոսքով՝ ԲՀԿ-ն դատական հայցը ստանալուց հետո, ինֆորմացիան անմիջապես տրամադրել է, իսկ ՀԴԿ-ի նկատմամբ դեկտեմբերի 21-ին դատարանը վճիռ է կայացրել ամբողջությամբ տրամադրել պահանջված տեղեկատվությունը, ինչպես նաև փոխհատուցել ինֆորմացիայի ազատության կենտրոնի կատարած ծախսերը 100 000 դրամի չափով:

Ըստ «Ինֆոմացիայի ազատության կենտրոն»-ի նախագահի՝ տվյալ կառույցների վրա ազդելու ուժը դա հանրային քննադատությունն է:

Սև ցուցակ
1.Վարդենիսի քաղաքապետ - Վոլոդյա Խլոյան
2.Վանաձորի քաղաքապետ - Սամվել Դարբինյան
3. Հայաստանի Հանրապետական կուսակցության նախագահ - Սերժ Սարգսյան
4. Բարգավաճ Հայաստան կուսակցության նախագահ - Գագիկ Ծառուկյան
5. «Հայ ազգային կոնգրես» դաշինքի նախագահ - Լևոն Տեր Պետրոսյան
6.Հայաստանի դեմոկրատական կուսակցության նախագահ - Արամ Սարգսյան
7. «Բնապահպանական ծրագրերի իրականացման գրասենյակ» պետական հիմնարկի պետ - Վիկտոր Մարտիրոսյան
8. Ֆինանսական վերահսկողության տեսչության պետ - Սոնա Ղարիբյան
9. Լիցենզավորման գործակալության պետ - Կարեն Թամազյան
10. Իրավական ակտերի փորձաքննության գործակալության պետ - Կարեն Խտրյան
11.Սննդմթերքի անվտանգության պետական ծառայության պետ - Աբրահամ Բախչագուլյան
12.Ստեփան Շահումյան անվան թիվ 1 դպրոցի տնօրեն - Լիլյա Վարդգեսյան
13. Խաչատուր Աբովյանի անվան թիվ 2 դպրոցի տնօրեն - Իրա Հակոբյան
14.«Երևան Սիթի» սուպերմարկետների ցանցի տնօրեն - Վահրամ Կիրակոսյան

Սպիտակ ցուցակ
1. ՀՀ Էկոնոմիկայի նախարարության Շուկայի վերահսկողության պետական տեսչության պետ - Լևոն Խալիկյան
 2. Լ. Շանթի անվան թիվ 4 դպրոցի տնօրեն - Անահիտ Վարդանյան