Փաստ ինֆո

2012թ. առաջին կիսամյակում դատապարտյալների պատիժը կրելու համար ուղղիչ հիմնարկի տեսակը որոշելու համար տեղաբաշխման հանձնաժաղովը կայացրել է 749 որոշումներ, ուղղիչ հիմնարկի տեսակը փոխելու վերաբերյալ՝ 231 որոշումներ: ՀՀ արդարադատության նախարարության քրեակատարողական վարչության վիճակագրության համաձայն, 231-ից 188 որոշումներն եղել են դատապարտյալներին առավել ցածր աստիճանի և 43-ը՝ առավել բարձր աստիճանի մեկուսացվածության ուղղիչ հիմնարկ տեղափոխելու վերաբերյալ՝ 31-ը քրեակատարողական հիմնարկների միջնորդագրերի, իսկ 12-ը դատապարտյալների դիմումների հիման վրա:

Նույն ժամանակահատվածում դատապարտյալներին տեխնիկատնտեսական սպասարկման աշխատանքներին ներգրավելու համար կայացվել են 35 որոշումներ, նույն տեսակի մեկ այլ ուղղիչ հիմնարկ տեղափոխվելու վերաբերյալ՝ 61 որոշումներ՝ 6-ը ՔԿՀ-ների միջնորդագրերի և 55-ը դատապարտյալների դիմումների հիման վրա:

Տեղաբաշխման հանձնաժողովի որոշումներով մերժվել են մեկուսացվածության առավել ցածր աստիճանի ուղղիչ հիմնարկ տեղափոխելու վերաբերյալ ՔԿՀ-ների կողմից ներկայացված 8 միջնորդագրեր: Մերժվել են նաև դատապարտյալների 131 դիմումներ՝ 46-ը առավել ցածր մեկուսացվածության ուղղիչ հիմնարկ տեղափոխվելու և 85-ը նույն տեսակի մեկ այլ ուղղիչ հիմնարկ տեղափոխվելու վերաբերյալ:

2011թ. ընթացքում պատիժը կատարելու համար ուղղիչ հիմնարկի տեսակը որոշելու վերաբերյալ տեղաբաշխման հանձնաժողովի կողմից կայացվել են 816 որոշումներ, ուղղիչ հիմնարկի տեսակը փոխելու վերաբերյալ՝ 137 որոշումներ՝ 82-ը առավել ցածր և 76-ը առավել բարձր մեկուսացվածության աստիճանի մեկուսացվածության ուղղիչ հիմնարկ տեղափոխվելու վերաբերյալ: Որոշումները կայացվել են 55-ի դեպքում ՔԿՀ-ների միջնորդագրերի, իսկ 21-ի դեպքում՝ դատապարտյալների դիմումների հիման վրա:

Դատապարտյալներին տեխնիկատնտեսական աշխատանքներին ներգրավելու վերաբերյալ կայացվել են 29 որոշումներ, նույն տեսակի մեկ այլ ուղղիչ հիմնարկ տեղափոխվելու վերաբերյալ՝ 48 որոշումներ՝ 10-ը ՔԿՀ-ների միջնորդագրերի և 38-ը դատապարտյալների դիմումների հիման վրա:

Անցյալ տարի տեղաբաշխման հանձնաժողովի որոշումներով մերժվել են մեկուսացվածության ավելի ցածր աստիճանի ուղղիչ հիմնարկ տեղափոխելու վերաբերյալ ՔԿՀ-ների կողմից ներկայացված 11 միջնորդագրեր, ինչպես նաև դատապարտյալների 116 դիմումներ՝ 16-ն առավել ցածր աստիճանի մեկուսացվածության ուղղիչ հիմնարկ և 100-ը նույն տեսակի մեկ այլ հիմնարկ տեղափոխելու վերաբերյալ:

Ուսումնասիրությունները ցույց են տալիս, որ առանձին դեպքերում տեղաբաշխման հանձնաժողովը բավական բարեհաճ է դատապարտյալների նկատմամբ և անգամ առանձնապես ծանր հանցագործությունների համար դատապարտված, պատժի կրման ընթացքում բազմիցս խախտումներ թույլ տրված որոշ դատապարտյալների չգիտես ինչու որոշում է պահել կիսաբաց ռեժիմի հիմնարկներում և հակառակը։ Առաջիկայում Փաստինֆո գործակալությունը կանդրադառնա այս ոլորտում առկա խնդիրներին և կոռուպցիոն ռիսկեր պարունակող սողանցքներին։