Փաստ ինֆո

Նովոսիբիրսկի մարզում դատավճիռ է կայացվել մարդասպանների խմբի ղեկավար Ալեքսանդր Տրունովի նկատմամբ, հաղորդում է ՌԴ քննչական կոմիտեի մամլո ծառայությունը:

Հանցախումբը, որի մեջ են ընդգրկված եղել նաև Նովոսիբիրսկի նախկին փոխքաղաքապետ Ալեքսանդր Սոլոդկինը և նրա հայրը, ըստ քննության վարկածի, 1997-2009թթ.-երին իրականացրել են 4 մարդու սպանություն, երկու մահափորձ գործարարների նկատմամբ՝ ազդեցության ոլորտների համար, խոշոր չափի շորթում և այլն:

Հանցախմբի վեց անդամներ, որոնց թվում նաև Ալեքսանդր Տրունովը, ըստ կատարած հանցանքների, ճանաչվել են մեղավոր ՌԴ քրեական օրենսգրքի ավազակություն, հանցախումբ ստեղծելու և այն ղեկավարելու, սպանություն, ուրիշի ունեցվածքի միտումնավոր ոչնչացում, առողջությանը ծանր վնաս հասցնելու, շորթում և խարդախություն հանցատեսակները բնութագրող հոդվածների հատկանիշներով:

ՌԴ քննչական կոմիտեում նշում են, որ «Տրունովյան» անունը ստացած հանցախումբն ունեցել է հատուկ ստորաբաժանում, որը ապահովել է գաղտնի տեղեկատվության, ղեկավարների անվտանգության և խումբը զենքով ապահովելու համար: Եղել է նաև տնտեսական հանցագործության հատուկ ստորաբաժանում: Հայր և որդի Սոլոդկինները զբաղվել են ֆինանսական հարցերով և կարգավորել են հաղորդակցությունը մարզային իշխանությունների, տեղական ինքնակառավարման մարմինների և ուժային կառույցների հետ:

Քննության ընթացքում հայտնաբերվել է զինապահեստ, որտեղ գտնվել են 40 տարբեր զենքեր, որոնք օգտագործվել են սպանությունների և մահափորձերի ժամանակ: Հարցաքննության են ենթարկվել 350 վկաներ, իրականացվել է 150 փորձաքննություն, կատարվել է 50 խուզարկություն:

Նովոսիբիրսկի մարզային դատարանը Տրունովին դատապարտեց 22 տարվա ազատազրկման խիստ ռեժիմի գաղութում և 800 հազար ռուբլու տուգանքի: Հանցախմբի մյուս մասնակիցները դատապարտվեցին 5-19 տարվա ազատազրկման՝ կախված իրենց կատարած դերակատարություններից: