Փաստ ինֆո

ՀՀ քաղաքացին ե՞րբ և ինչպե՞ս կարող է դիմել Մարդու իրավունքների եվրոպական դատարան:

Արա Ղազարյան
«Արնի Քընսալթ» փաստաբանական գրասենյակի փոխտնօրեն.

Սկզբունքորեն փաստաբան հարկավոր չէ ՄԻԵԴ դիմելու համար, քանի որ շատ ցածր ծախսերով կարելի է եվրոպական դատարանում գործը շահել:

Եթե անձը ինքն է իր դիմումը գրում, միայն փոստային առաքման ծախսն է, որը կարող է 4000-5000 դրամ արժենալ: Բայց կան գործեր, որոնք բարդ են, և այստեղ անհրաժեշտ է գիտակ մարդ՝ փաստաբան, և եվրոպական դատարանն էլ է ուզում տեսնել փաստաբան:

Փաստաբանների գումարները տատանվում են՝ սկսվում են 150 000 դրամից մինչև մի քանի հարյուր հազար դրամ, կախված գործի բարդությունից:

Եթե քաղաքացին ուզում է դիմում գրել, նախ պետք է մի քանի պարզ գրականություն կարդա.  դրա վերաբերյալ  տեղեկություն կա Եվրոպայի խորհրդի Հայաստանի գրասենյակի կայքում, դրանից բացի կան բազմաթիվ ձեռնարկներ:

Եվրոպական դատարանը Մարդու իրավունքների դատարան է, այստեղ ֆորմալիզմը նվազ աստիճանի է հասցված: Նույնիսկ քաղաքացին կարող է մեկ նախադասությամբ իրավունքի մասին հարցը բարձրացրած լինի և մատնանշած չլինի հոդվածները: Եվրոպական դատարանը իր նախաձեռնությամբ դա անում է:

Այսինքն՝ քաղաքացին կամ պետք է հույսը իր վրա դնի, կամ փաստաբանի միջոցով ներկայացնի դիմում: Այդ գումարները պետք է, որ շատ բարձր չլինեն, որովհետև կարելի է շատ պարզ գրել դիմումը և աշխատանքի մեծ մասը կարելի է թողնել եվրոպական դատարանի քարտուղարների, օգնականների վրա, որպեսզի նրանք մշակեն հարցը և ներկայացնեն դատարանին: Այդպիսի վճիռներ շատ կան: