Փաստ ինֆո

Երևանի Կենտրոն և Նորք-Մարաշ վարչական շրջանների դատարանը՝  դատավոր Մխիթար Պապոյանի նախագահությամբ, աշխատանքային օրվա ավարտին հրապարակած այսօրվա դատավճռով ՀՀ ԱԱԾ  նախկին քննիչ Վլադիմիր Կոթոլյանին դատապարտեց 5 տարվա   ազատազրկման: Դատարանը վերաորակեց կաշառք ստանալու մեղադրանքը խարդախություն՝   խոշոր չափերով և կաշառք ստանալու պատրվակով:

Դատարանը միաժամանակ կիրառեց Հայաստանի անկախացման 20-ամյա տարեդարձի առթիվ ընդունված համաներման որոշումը և  ամբաստանյալի պատժի չկրած մասը կրճատեց մեկ երրորդով, այսինքն՝  8  ամսով:

Ինչպես «Փաստինֆո»-ի թղթակցի հետ զրույցում պարզաբանեց  Վ.Կոթոլյանի պաշտպան Վաղարշակ Գևորգյանը,  4 տարի 4 ամիս ազատազրկման  վերջնական պատժից Վ.Կոթոլյանն արդեն իսկ կրել է   3 տարի  24 օր ժամկետով ազատազրկումը, ուստի դատավճռի օրինական ուժի մեջ մտնելուց հետո կարող է դիմել քրեակատարողական հիմնարկի վարչակազմին պայմանական վաղակետ ազատ արձակվելու խնդրանքով:

Մեղադրող Աշոտ Նադոյանը և պաշտպանական կողմը դեռևս չեն որոշել՝ բողոքարկելո՞ւ են դատավճիռը վերաքննիչ դատարան, թե ոչ. առաջինը որոշում կկայացնի դատավճռի հիմնավորումներին ծանոթանալուց հետո, իսկ երկրորդը՝  պաշտպանյալի հետ խորհրդակցելուց հետո:

Հիշեցնենք, որ պաշտպանական կողմը միջնորդել էր կարճել  քրեական գործը՝    հանցակազմի  բացակայության հիմքով, իսկ մեղադրող Աշոտ Նադոյանը՝ ամբաստանյալին դատապարտել 7 տարվա ազատազրկման և բռնագանձել անձնական գույքի 1/3-րդը: (Առաջին դատաքննությամբ ևս  նա դատապարտվել է 7 տարվա ազատազրկման՝ կաշառք ստանալու մեղադրանքով, դատավճիռը բեկանվել էր և ուղարկվել նույն դատարան՝ նոր քննության