Փաստ ինֆո

Ինչպես տեղեկացնում են ՀՀ ոստիկանությունից, հոկտեմբերի 2-ին, ժամը 13.40-ին, հիվանդանոցից ոստիկանության Կենտրոնականի բաժնում հաղորդում է ստացվել, որ «գանգուղեղային տրավմա» ախտորոշմամբ իրենց մոտ բուժօգնության է տեղափոխվել 1993 թ. ծնված Տիգրան Բ.-ն, ում, ըստ բժշկի հայտարարության, ծեծել են Կոմիտասի անվան կոնսերվատորիայի մոտ:

Պարզվել է, որ հոկտեմբերի 2-ին, ժամը 12.15-ին, հիշյալ վայրում, վիճաբանության ժամանակ, 1995 թ. ծնված Արամ Պ.-ն բռունցքով հարվածել է Տիգրան Բ.-ի դեմքին և պատճառել վնասվածք:

Նույն օրը, ժամը 21.00-ին, Արամ Պ.-ն բերման է ենթարկվել բաժին:
Ըստ բժշկի տեղեկանքի` Տիգրան Բ.-ն ի վիճակի չի եղել հաղորդում տալու:
Նշանակվել է դատաբժշկական փորձաքննություն:
Հանգամանքները պարզվում են:
Կատարվում է հետաքննություն:

Դանակահարությունը բացահայտվեց

Ս/թ հունվարի 22-ին, ժամը 21.10-ին, հիվանդանոցից ոստիկանության Արաբկիրի բաժնում  հաղորդում էր ստացվել, որ մարմնական վնասվածքով իրենց մոտ բուժօգնության է տեղափոխվել 1984 թ. ծնված Գարեգին Կ.-ն, որը տանը աշխատելիս դանակով վնասել էր որովայնը:

Մեկնած օպերատիվ խմբին Գարեգին Կ.-ի կինը գրավոր բացատրությամբ հայտնել էր, որ նույն օրը, ժամը 19.00-ին, ամուսինը տան խոհանոցում ավտոմեքենայի պոլիէթիլենային ավտոպահեստամասեր նորոգելու ժամանակ անզգուշաբար խոհանոցային դանակով կտրած-ծակած վնասվածք է պատճառել իրեն` որովայնի ձախակողմյան հատվածում:

Ըստ բժշկի տեղեկանքի` Գարեգին Կ.-ն ի վիճակի չի եղել հաղորդում տալու:
Նշանակվել էր դատաբժշկական փորձաքննություն:

Հոկտեմբերի 2-ին ոստիկանության Երևան քաղաքի քննչական վարչության վարույթում քննվող քրեական գործի շրջանակներում կատարված քննչական գործողությունների արդյունքում պարզվել է, որ 1978 թ. ծնված Արտեմ Դ.-ն  հունվարի 22-ին, ժամը 19.00-ին, Սաֆարյան փողոցի թիվ 14/4 շենքի բակում, վիճաբանության ժամանակ, դանակով դիտավորությամբ հարվածել է Գարեգին Կ.-ի ձախ թուլակողի շրջանին և նրա առողջությանը պատճառել կյանքին վտանգ սպառնացող ծանր վնաս:

Հոկտեմբերի 2-ին Արտեմ Դ.-ն հարցաքննվել է որպես կասկածյալ և տվել խոստովանական ցուցմունքներ:
Նախաքննությունը շարունակվում է: