Փաստ ինֆո

Նյու Յորքի դատարանը Twitter-ի միկրոկենսաբաններին հիշեցրել է անցած աշնանը կայացած «Գրավիր Ուոլ Սթրիթը» ակցիայի մասնակիցներից մեկի գրառումները դատախազությանը ներկայացնելու անհրաժեշտության մասին:

Քննության վարկածով, Մալքոլմ Հարրիսը Նյու Յորքի Բրուկլինյան կամուրջի վրա անցյալ տարվա հոկտեմբերի 1-ին կալանված New Inquiry կայքի գլխավոր խմբագիրն ու բողոքի ակցիայի 700 մասնակիցներից մեկը, քաջատեղյակ է եղել կամուրջի վրա երթևեկությունը չփակելու ոստիկանության հրահանգի մասին, իսկ նրա գրառումները Twitter-ում, որոնց մի մասը Հարրիսը հեռատեսորեն ջնջել է, այդ բանը կարող են հաստատել: Դատախազներին կոնկրետ հետաքրքրում են սեպտեմբերի 15-ից մինչև դեկտեմբերի 31-ի «թվիթերները»:

Բայց և այնպես Twitter-ի վարչությունը մինչև հիմա հրաժարվել է որևէ տեղեկություն տրամադրել իրավապահ մարմիններին` նշելով, որ այդ տեղեկությունների տերը օգտատերն է:

Սակայն դատարանը չի ընդունել Twitter-ի այդ հիմնավորումը, նշելով, որ թաքցված հաղորդագրությունների փոխանցումը քննությանը չի խախտի կասկածյալի անձնական կյանքի անձեռնմխելիության իրավունքը: «Թվիթ» հրապարակելը դա նույնն է, ինչ պատուհանից բղավելը և այդտեղ ինչ որ մասնավոր բան տեսնելը անմտություն է, պարզաբանել է դատավոր Մետյու Սկյարինոն:

«pravo.ru» կայքի փոխանցմամբ, այս որոշումը վիճարկելու Twitter-ի բողոքից հետո համանման որոշում է կայացրել նաև վճռաբեկ դատարանը: