Փաստ ինֆո

Հյուսիսային Կալիֆորնիայի ամերիկյան շրջանային դատարանը պարտավորեցրել է տեղեկությունների բազա մշակող «Oracle» ընկերությանը «Google»-ին փոխհատուցել մոտ 1 մլն դոլար:

Այդ մասին հաղորդում է « Computerworld» կայքը: Նշենք, որ մինչ այդ, նույն խնդրով, «Google»-ը պահանջել է 4 մլն դոլար:

«Oracle»-ը «Google»-ի դեմ հայցը ներկայացրել է 2010թ. օգոստոսին` նրան մեղադրելով պատենտի և հեղինակային իրավունքի խախտման համար: Հայցվորը դրա դիմաց, որպես փոխհատուցում պահանջում էր մի քանի միլիարդ: Սակայն այս տարի «Google»-ին երդվյալների դատարանը արդարացրեց: Նշենք, որ դատական ծախսերի փոխհատուցման համար «Google»-ը պահանջում էր 2,9 մլն դոլար: Ինչպես նշել է դատավոր Ուիլյամ Օպսապը, համացանցային որոնման հայտնի համակարգը երևի հաշվի է առել նաև իր «մտավոր ճիգերը», ինչպիսիք են` փաստաթղթերի նախապատրաստությունը, որոնումը և վերլուծությունը: Ամենաաղաղակողը, սակայն, այն է, որ   «Google»-ն իր դատական  ծախսերի ցուցակում ներառել է նաև այս գործընթացի սկզբում իրականացված նախապատրաստական աշխատանքը, գործընկերների, հաճախորդների և մատակարարների հետ հաղորդակցություները: Սակայն դատավորը նշել է, որ դրանք «հարկման ոչ ենթակա մտավոր ճիգեր են»:

Դատավոր Ուիլյամ Օպսապը որոշել է, որ հայցվորը` «Oracle»-ը, դատը շահած պատասխանողին` «Google»-ին, վարույթի հետ կապված ծախսերի համար պետք է վճարի 1մլն դոլար: Այս վճիռը, սակայն, «Oracle»-ը մտադիր է վիճարկել: