Փաստ ինֆո

Այդ դեպքերից 21-ով 24 անձի վերաբերյալ հարուցվել է քրեական գործ, նախորդ տարվա համեմատ ցուցանիշը նվազել է 21-ով: 57 անձի վերաբերյալ 51 նյութով քրեական գործի հարուցումը մերժվել է: Գրանցված ապօրինի սահմանահատումների 72 դեպքերի ուսումնասիրությամբ պարզվել է, որ 65-ը կատարվել են սոցիալ- կենցաղային, 1-ը՝ քաղաքական ապաստան խնդրելու, 1-ը՝ ժամկետային զինվորական կամ այլընտրանքային ծառայությունից խուսափելու և 5-ը՝ քրեական պատասխանատվությունից խուսափելու շարժառիթներով և դրդապատճառներով:

ՀՀ Գլխավոր դատախազության՝ ԱԱԾ մարմիններում քննվող և կիբերհանցագործությունների գործերով վարչությունում կատարված ուսումնասիրությունների համաձայն՝ ապօրինի սահմանահատման 21 դեպքով քննված գործերից 9-ը (նախորդ տարվա 16-ի դիմաց), կատարվել է ՀՀ տարածքից դուրս գալու, իսկ 12-ը (նախորդ տարվա 31-ի դիմաց)` ՀՀ մուտք գործելու դիտավորությամբ:

21 քրեական գործից 12-ը (նախորդ տարվա 30-ի դիմաց) հարուցվել է ՀՀ ԿԱ ԱԱԾ, 9-ը՝ ՀՀ ԿԱ ոստիկանության կողմից (նախորդ տարվա 15-ի դիմաց) , որոնք բոլորն էլ քննչական ենթակայության կարգով փոխանցվել են ՀՀ ԿԱ ԱԱԾ քննչական վարչություն՝ նախաքննություն կատարելու համար: Հարուցված բոլոր քրեական գործերը հետագայում քննվել են ՀՀ ԿԱ ԱԱԾ քննչական վարչությունում:

Սահմանախախտ 24 անձից19 –ը (նախորդ տարվա 49-ի դիմաց), եղել են ՀՀ քաղաքացիներ, 1-ը ունեցել է երկքաղաքացիություն (նախորդ տարի չի եղել), իսկ 4-ը եղել են օտարերկրյա քաղաքացիներ (նախորդ տարվա 24-ի դիմաց), որոնցից 1-ը եղել է ԻԻՀ, 2-ը՝ ՌԴ , 1-ը՝  ՎՀ քաղաքացի:

Սահմանախախտ 24 անձից 16 եղել են տղամարդ (նախորդ տարվա 60-ի դիմաց), որոնցից 2-ը՝ՌԴ, 1-ը ՝ ՎՀ, 1-ը՝ ԻԻՀ, 1-ը՝ եղել է երկքաղաքացի և 11-ը՝ ՀՀ քաղաքացի, իսկ 8-ը եղել են կանայք (նախորդ տարվա15 -ի դիմաց), որոնք բոլորն էլ ՀՀ քաղաքացիներ են: 24 անձանցից 2-ը եղել է նախկինում դատապարտված՝ նախորդ տարվա 12-ի դիմաց:

2011թ. քննված ապօրինի սահմանահատման՝ ՀՀ–ից դուրս գալու դիտավորությամբ կատարված 9 դեպքից 3-ով մեկնել կամ փորձել են մեկնել Վրաստան, 1-ը ՝ Գերմանիա, 3-ը՝ ՌԴ, 2-ը՝ Թուրքիա: Դրանցից 1-ը կատարվել է «Բագրատաշեն», 4-ը ՝ «Զվարթնոց», 3-ը՝ «Բավրա» հսկիչ անցագրային կետերով, իսկ 1 դեպք՝ անցման կետը շրջանցելով:

Հայաստան մուտք գործելու ապօրինի սահմանահատման 12 դեպքից 2-ը կատարվել է «Բագրատաշեն», 2-ը՝ «Բավրա», 1-ը`«Գոգովան», 1-ը՝ «Մեղրի», 2-ը` «Զվարթնոց» հսկիչ-անցագրային կետերով, 1-ով՝ ապօրինի սահմանահատման տեղամասը չի պարզվել և 3 դեպքով անցման կետերը շրջանցվել են:

2011թ. 81 սահմանախախտներից 29-ը եղել են կանայք, նրանցից 22-ը քրեորեն պատժելի արարքը կատարել են միայնակ (նախորդ տարվա 7-ի դիմաց), 5-ը հանցագործությունը կատարել են հատելով այլ երկրի պետական սահման (նախորդ տարվա 2-ի դիմաց), իսկ 17 դեպքով ՀՀ պետական սահմանը (նախորդ տարվա 5-ի դիմաց):

2011թ.քրեական գործի հարուցման ցուցանիշի նվազումը 2010թ. համեմատ պայմանավորված է 2011թ. «ՀՀ անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշման կիրառմամբ: