Գողական աշխարհի պատերազմը սկսվեց ԱՄԷ-ում գրված «քսիվով» - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

01/03/2025 14:21 ԼՂ-ից տեղահանված անձանց և ՀՀ սոցիալապես անապահով ընտանիքներին կտրամադրվի նպատակային դրամական աջակցություն․ այն կփոխանցվի e-քարտերի միջոցով 01/04/2025 13:41 «Երեխայիս գնդի հրամանատարը շարքից հանել է, հայհոյել, հարվածել, որին ի պատասխան՝ երեխաս էլ նրան է հարվածել». ահազանգ զինվորի հորից. shamshyan.com 01/03/2025 21:25 Իրանի վրա հարձակվելու որոշումն ընդունված է, հարձակումը մոտ է․ Արթուր Խաչիկյան 01/03/2025 13:31 Քաղաքացին անցել է Կիևյան կամրջի արգելապատնեշը. մինչ իրավապահների ժամանելը նա իրեն ցած է նետել. shamshyan.com 01/04/2025 20:09 Ինֆորմացիա բացեմ՝ դեռ 90-ականներից հանցավոր պլան է մշակվել, որ Հայաստանում չպետք է լինի 1 միլիոնից ավել հայ. դրա հետևում միայն թուրքերը չեն. էքստրասենս 01/04/2025 21:55 Երկուշաբթի լույս չի լինի նշված հասցեներում 01/03/2025 15:07 Մոսկվա-Երևան չվերթի օդանավում մահացած տղամարդը երկքաղաքացի էր. մարմնի վրա բռնության հետքեր չեն հայտնաբերվել 01/04/2025 13:45 Ջերմաստիճանը նախ կբարձրանա՝ 6-8 աստիճանով, ապա՝ կնվազի 7-10 աստիճանով. սպասվում է ձյուն 01/04/2025 21:43 «Էն սուրճ եփողներին զգուշացնում եմ՝ վեր ընկեք տեղներդ». Սարգսյանը՝ Մալյանին 01/04/2025 17:50 Հայ-ռուսական բարեկամության անունից փորձում է հանդես գալ մի մարդ, ով ժամանակին վարձատրվում էր Սորոսից և ով ծրար էր փոխանցում Արսեն Խառատյանի տուն. Մալյան 01/04/2025 13:06 Ճապոնիայում մահացել է մոլորակի ամենատարեց մարդը. Kyodo 01/04/2025 21:00 Երևանում փեսան գողացել է զոքանչի ոսկեղենն ու այդ գումարով խաղադրույք կատարել. shamshyan.com 01/04/2025 14:52 Ձերբակավել է ազգային հերոս Տիրան Խաչատրյանը 01/03/2025 17:03 Գործարարին սպանած «Ձմեռ պապը» հայտնաբերվել է և կալանավորվել 01/03/2025 23:31 Նշվել են գրիպի գերիշխող տարբերակի ախտանիշները 01/03/2025 22:11 Եթովպիայում ուժեղ երկրաշարժ է տեղի ունեցել 01/04/2025 00:02 Կանանց պատմել են գինեկոլոգիական ամենաառեղծվածային խնդրի մասին 01/05/2025 11:55 Եռաբլուրում շիրիմներին դրված ծաղիկները գողացողը ՊՆ ՌՈ կողմից նույնականացվել և հայտնաբերվել է 01/03/2025 21:48 Երևանի երթուղիներում արդեն գործում են 171 նոր ավտոբուսներ 01/03/2025 16:15 Քովիդի գործով 21 անձի նկատմամբ հետապնդումը դադարեցվել է

Գողական աշխարհի պատերազմը սկսվեց ԱՄԷ-ում գրված «քսիվով» 02/06/2013 18:20 | Վերլուծություններ

Որոշումը կայացվեց 2012թ. դեկտեմբերին Արաբական Էմիրություններում տեղի ունեցած մեծ հավաքի /սխոդկայի/ ժամանակ: Նրանց համար նոր «օրենքով գողերի» թագադրումը ոչ միայն Դեդ Հասանի դեմքին նետված ձեռնոց էր, այլև սեփական տոհմը /կլանը/ ամրապնդելու, շարքերը խտացնելու յուրահատուկ զորաշարժ:

Այդ հավաքի մասին հարազատ միջավայրում տարածված «քսիվում» ասվում էր.

«Գողականի ընթացքին ի նպաստ մենք՝ ստորև նշված Գողերս, ձեզ տեղեկացնում ենք, որ 10.12.12-ին կայացավ հավաք, որի ժամանակ հարց բարձրացվեց հեռակա որոշումների անթույլատրելիության մասին: Հավաքին ներկա բոլոր Գողերի, ինչպես նաև հեռակապի մեջ գտնվող բոլոր Գողերի կողմից որոշվել է չփոխել մեր գողական օրենքները: Գողի ճակատագիրը կարելի է որոշել միայն հավաքի ժամանակ և նրա ներկայությամբ: Մեր կյանքով ապրող բոլոր մարդկությունը հասկանում է, թե ինչի մասին է խոսքը: Բոլոր հետաքրքրվողներին Գողերը մանրամասները կբացատրեն անձամբ՝ հանդիպման ժամանակ»:

Ապա այդ գրության մեջ նշվում էր գողական վարքականոնը, որը ոչ թե պիտի ընկալվեր որպես հիշեցում, այլ գործողության կոչ. «Սրա հետ մեկտեղ ձեր ուշադրությունը հրավիրում ենք այն բանի վրա, որ Գողերն իրենց հարցերը իրենք են լուծում: Մեզ ոչ միջնորդներ են պետք, ոչ փաստաբաններ: Մեր գործերի մեջ ոչ մեկը չի կարող խառնվել, բացի հենց մեզանից: Որպեսզի թյուրիմացություններ չծագեն, դուք պետք է ուշադրություն չդարձնեք զանգերին, որոնցով փորձում են թեկուզ ինչ-որ կերպ սևացնել գողական Անունները: Ով էլ այդ զանգի հետևում կանգնած լինի: Սա վերաբերում է նաև SMS-ներին»:

Արաբական Էմիրություններում կայացած այդ հավաքը հստակ մարտավարական և ռազմավարական ծրագիր ներկայացրեց, որը ոչ այլ ինչ էր, եթե ոչ տոհմի /կլանի/ համար արևի տակ սեփական տեղը ամրապնդելու և ընդարձակելու խնդրի առաջադրում:

Այլ կերպ ասած դա ազդեցության ոլորտների վերաբաշխման մարտահրավեր էր հետխորհրդային ամբողջ տարածքի աներկբա առաջնորդին՝ Ասլան Ուսոյանին ու նրա կլանին: Դեկտեմբերյան այդ հավաքի օրակարգում դրվեց շարքերը խտացնելու և նոր հեղինակություններ առաջ քաշելու օրակարգային հարցը: Այդ մասին «քսիֆ»-ով «բոլոր արժանապատիվ մարդկությանը» հայտնվում էր, որ՝ «...մեր ընտանիքը համալրվել է հետևյալ եղբայրներով ՝ Լյոխա Զլակ, Հաջի Փաշա Պաշտետ, Ռուֆատ Գյանջեցի, Աստիկ Սուխումցի, Ռուսլան Լեբեդ, Մանչո Սուխումցի, Տոլյա Տոլյատինսկի, Թենգիզ Խոչա, Ահմեդ Շալինսկի, Օլեգ Մումու, Գիո Ժորկա, Համզատ Ինգուշ, Լաշա Պեչերսկի, Սանյա Մեդվեժոնոկ, Յանկա»:

Եվ որպես հայտնածի լրջությունը հաստատող փաստարկ գրության մեջ թվարկվում էին այն «օրենքով գողերը» ովքեր գողական նոր աշխարհակարգը հաստատելու ճարտարապետը լինելու հավակնություններն ունեին՝ Տարիել Օնիանի / նա «քսիֆն» ստորագրել է գաղութում/, Մերաբ Ջեմո, Ռովշան, Սերյոգա Վետլագ, Ռոմա Քուրդ, Մերաբ Բախիա, Կոբա Սուխումցի, Մամուկա Միքելաձե /Ջեմոյի եղբայրը/, Իրակլի Պիպիա և այլք:

Նամակում հանցավոր համայնքը համալրած բոլոր «Օրենքով գողերը» և նրանց թագադրողներն, ըստ էության, այն քրեական հեղինակություններն են, որոնց այդպիսին լինելը չընդունվեց Մոսկվայում հունվարի 16-ին սպանված Դեդ Հասանի ու նրա տոհմի կողմից: Իրենց նկատմամբ այդ խոր անբարյացկամությունը նամակի հեղինակները և նրանց կողմից «թագադրվածները» լավ էին հասկանում և գիտեին թի ինչ ընտրության առաջ էին հայտնվում:

Նրանց թագադրությունը պիտի չընդունվեր հետխորհրդային տարածքի աներկբա հեղինակության՝ Ասլան Ուսոյանի ու նրա տոհմի /կլանի/ կողմից: Այդ մասին հաստատող լուրն անմիջապես տարածվեց բոլոր բանտերում և ազատության մեջ գտնվողների շրջանում:

Ավելին Դեդ Հասանի կլանը /տոհմը/ կարծես թե ցանկանում և առայժմ հաջողությամբ ապացուցում է նաև առանց նրա գոյություն ունենալու իր հնարավորությունը: Եվ որպես դրա ապացույց կարելի է հիշատակել Արաբական Էմիրություններում թագադրված, բայց նրա կողմից չընդունվածներից երկուսի՝ Ռուֆատ Գյանջեցու և Աստիկ Սուխումցու սպանությունները, որոնք տեղի ունեցան Դեդ Հասանի սպանությունից բառացիորեն մեկ-երկու օր հետո:

Իսկ օրերս էլ Մոսկվայի օդանավակայաններից մեկում իրավապահ մարմինները ձերբակալեցին Մերաբ Ջեմոյին: Թե ինչպես կդասավորվի նրա հետագա ճակատագիրը անազատության մեջ, չի կարող ասել ոչ մեկը:

Մահից առաջ Դեդ Հասանը խոստացել էր ներում շնորհել Արաբական Էմիրություններում «թագադրված» այն «օրենքով գողերին», ովքեր կհրաժարվեին գողականի թագից ու ցույց կտային հնազանդություն: Նրանցից մի քանիսը համաձայնվեցին: Իսկ նրանք, ովքեր հրաժարվեցին, այժմ հայտնվել են թիրախի վիճակում:

Պատերազմը շարունակվում է:

Հեղինակ` Սամվել Մարտիրոսյան