ԲՈԼՈՐ ՆՅՈՒԹԵՐԸ
Ինչպե՞ս էր ութ անգամ դասալքություն կատարած Պերմյակովը հայտնվել Գյումրիի ռազմաբազայում 08/17/2015 13:25 | ՀՐԱՏԱՊ ԹԵՄԱ
Գյումրիում մի ամբողջ ընտանիքի եղեռնական սպանությանն առնչվող դասալքության, զենք հափշտակելու և ապօրինի զենք կրելու մեղադրանքով գործով ռուսական կայազորային դատարանում մեկ օրով, մեկ ամբաստանյալով դատավարությունը չպատասխանեց սպանված ընտանիքի հարազատների շատ հարցերի: Այս մասին լրագրողների հետ այսօրվա հանդիպմանը հայտարարեցին տուժողների իրավահաջորդների ներկայացուցիչներ Լուսինե Սահակյանը, Երվանդ Վարոսյանը, Երեմ Սարգսյանն ու Միհրան Պողոսյանը: Դատավարությանը գործի 72 հատորներից հրապարակվեցին միայն շուրջ 35-ը, դատարանը շատ հարցերի պատասխանները պարզապես կանխում էր՝ հայտարարելով, որ դրանք կարևոր չեն: Դատաքննությունը ոչ թե արագացված, այլ արագացումով տեղի ունեցավ: Ընդ որում, ի սկզբանե համաձայնեցված էր, թե քանի ժամ է տևելու, որ ընդմիջում է լինելու, որից հետո հրապարակվելու էր դատավճիռը: Հանրության առջև չհրապարակվեց դատարանի կայացրած լրացուցիչ որոշումը՝ ըստ ամենայնի, որպեսզի չբացահայտվեն ռուսական ռազմաբազայում տիրող բարքերն ու իրավիճակը:
Թեև մեղադրող կողմը նշեց, որ ոճրագործությամբ սեպ է խրվել հայ-ռուսական հարաբերությունների մեջ, սակայն չբացահայտվեցին հանցագործությունը ծնող պատճառները:
Հակառակն ամեն կերպ փորձ էր արվում ներկայացնել, որ ռազմաբազայում ծառայում են ընտրյալները, այդ պարագայում առնվազն տարօրինակ է, որ «ընտրությունների» արդյունքում ռազմաբազա ծառայության էր ուղարկվել Վալերի Պերմյակովը, ով մինչ այդ, ըստ նրա անձնական գործի տվյալների, ութ անգամ դասալքություն էր կատարել: Լուսինե Սահակյանի տպավորությամբ, սակայն, ռազմաբազան իրականում աքսորավայր է՝ ծառայության ընթացքում «աչքի ընկած» զինծառայողների համար: Ըստ փաստաբանների, տարօրինակ է նաև, որ ամբաստանյալների աթոռին չեն հայտնվել նաև ռազմաբազայի ինչ-ինչ պաշտոնատար անձինք, ովքեր պատասխանատվություն պետք է կրեին զինծառայողի՝ զենքով փախուստի դիմելու համար: Լ.Սահակյանը նաև կարևորեց, որպեսզի պարզվի, թե երբ է հայտնի դարձել զինված զինծառայողի փախուստի մասին, և ով է պատասխանատու՝ հայկական, թե ռուսական կողմը, ոճրագործությունը չկանխելու համար:
Փաստաբանները խոսեցին դատավարության ընթացքում Պերմյակովի տարօրինակ պահվածքի մասին. ամբաստանյալը չէր շրջվում դեպի դահլիճն անգամ բարձր ձայների պարագայում: Այն, որ նա ագրեսիվ չէ, առողջական խնդիրներ չունի, ևս հարցեր է հարուցում, ուրեմն, նա, ըստ Լուսինե Սահակյանի, շատ լուրջ դրդապատճառներ պետք է ունենար այդպիսի դաժան սպանություն կատարելու համար: Իսկ եթե նա ինչ-ինչ առողջական խնդիրներ ունի, ապա ինչպե՞ս էր հայտնվել ռազմաբազայում:
Փաստաբանները միաժամանակ նշեցին, որ սեփական դատավարությանը մերթ ընդ մերթ քնող-արթնացող Պերմյակովը դատարանի հարցերին այո կամ ոչ կարճ պատասխաններ տալիս էր, այսինքն՝ «լրիվ անջատված վիճակում չէր»:
Նշվեց նաև, որ սպանության գործի նախաքննության ավարտից հետո գործն, ըստ ոճրագործության կատարման վայրի, ենթակա է քննության Շիրակի մարզի դատարանում, սակայն նիստերը կոնկրետ որտե՞ղ կանցկացվեն, դեռ պարզ չէ՝ եթե ռազմաբազայի տարածքում, ապա դահլիճը քիչ մարդ է տեղավորում և ունի վատ լսելիություն, այն բավարար չէ սպանության գործ քննելու համար:
Երեմ Սարգսյանը նշեց նաև, որ ՀՀ քննչական կոմիտեում է գտնվում իր միջնորդությունը Պերմյակովի կողմից սահմանն ապօրինի հատելու մասով քննություն կատարելու վերաբերյալ: Ռուսական դատաքննության ընթացքում որոշ հանգամանքներ հայտնվեցին սահմանն ապօրինի հատելու նպատակի, ինչպես նաև Ավետիսյանների տնից հափշտակություններ կատարելու մասին, ուստի ակնհայտ է, որ դա պետք է արտացոլվի նաև հայկական կողմի մեղադրանքում: Նախաքննական մարմնին դժվար կլինի մերժել իր միջնորդությունը, նշեց Ե.Սարգսյանը, սակայն եթե այնուամենայնիվ, այն մերժվի, ապա իրենք օրենքով սահմանված ընթացակարգերով կբողոքարկեն այդ որոշումը:
Երվանդ Վարոսյանն էլ նշեց, որ սպասվող դատաձգաբանական ու դատահետքաբանական համալիր փորձաքննության արդյունքներին իրենք կանդրադառնան Պերմյակովի ցուցմունքներին ծանոթանալուց և դրանք իրար հետ համադրելուց հետո:
Նշենք, որ ռուսական կողմը հայկական կողմին փոխանցել է գործի նյութերի ինը հատորը, այդ թվում՝ փորձաքննությունների եզրակացություններ, Պերմյակովի ցուցմունքներ և այլն:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/07/2024 08:27 Գերիներին այդպես էլ չվերադարձրին. Նիկոլ Փաշինյանի հերթական սուտը. Մաս 203. «Ժողովուրդ»
- 05/07/2024 08:24 Էկոնոմիկայի նախարարությունը նկարազարդ տիկնիկ է գնել, իսկ ուժայինները՝ թանկարժեք ժամացույցներ. «Ժողովուրդ»
- 05/07/2024 08:19 Աշխատանքի բաժանում է արվել․ «Հրապարակ»
- 05/07/2024 08:16 Փաշինյանն այսօր կմիանա արշավին․ «Հրապարակ»
- 05/07/2024 08:11 Վահե Ղազարյանը ճակատագրական ընտրության առջեւ է կանգնելու․«Հրապարակ»
- 05/07/2024 07:57 Դավիթ Խաչատուրյանին ԱԺ գնալուց ետ էր պահել առողջական վիճակը, թե՞ այլ խորքային պատճառներ կան. «Ժողովուրդ»
- 05/07/2024 07:50 Երկրում տիրող իրավիճակը «փոխում» է Նիկոլ Փաշինյանի օրակարգը. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/07/2024 11:07 Նորից ժամանակն է ազգովի մաքրելու դաշտը մոլախոտերից և տնկելու մեր ապագա հաղթանակի առողջ սածիլները. Արշավիր Ղարամյան
- 05/07/2024 10:51 Վերջ տվեք կեղծ տեղեկատվությանը, անհեռանկար էժանագին զբաղմունք է. Դանիելյանը՝ ՀԱԵ դեմ արշավի մասին
- 05/06/2024 12:10 Սա կարող է դառնալ այն շարժումը, որը պետք է ապահովի խաղաղություն երկրի ներսում և խաղաղություն երկրի սահմաններին. Վահե Հովհաննիսյան
- 05/06/2024 10:35 Բագրատ արքեպիսկոպոս Գալստանյանի նկատմամբ իշխանության ակնհայտ ուղղորդմամբ տարվում է վիրավորանքների ամոթալի արշավ. Թաթոյան
Արխիվ
Արտակարգ պատահարներ
- 05/07/2024 22:52 Խորենացու փողոցում բախվել են «Daewoo»-ն և «Mercedes-Benz»-ը. կան տուժածներ
- 05/07/2024 21:24 Երկրաշարժ հայ-ադրբեջանական սահմանին՝ Շողակաթ գյուղից 19 կմ հյուսիս
- 05/07/2024 20:29 Բախվել է երեք ավտոմեքենա. կան տուժածներ
- 05/07/2024 20:25 Խոշոր հրդեհ Երեւանում. այրվել է 5 բնակարան, որոնցից մեկում դիակ է հայտնաբերվել
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/06/2024 23:32 Ուսուցչուհին աշակերտներին հարբեցրել է ալկոհոլով եւ քնել նրանցից մեկի հետ
- 05/03/2024 22:56 Հինգ մարդ ցանկացել են գերուժ ձեռք բերել և միասին թույն են խմել
- 05/01/2024 23:36 Գիտնականները նշել են սեքսի իդեալական քանակը՝ ընտանիքում լավագույն հարաբերությունների համար
- 04/30/2024 23:22 Նշվել է զուգընկերոջ դավաճանության մասին վկայող սովորությունը
Հետաքրքիր է իմանալ
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն