Բանդայի նոր գործով կներգրավվի նոր մեղադրող

ԲՈԼՈՐ ՆՅՈՒԹԵՐԸ

Բոլորը

12/20/2024 22:22 Ռուբեն Վարդանյանի որդին շնորհակալություն է հայտնել Պուտինին աջակցության համար 12/20/2024 18:49 Կառավարությանը լրացուցիչ 30 օր է անհրաժեշտ պարզելու, թե ով է թույլ տվել Փաշինյանի կնոջը՝ կառավարության շենքում ֆոտոսոսիա իրականացնել 12/21/2024 21:32 Արտակարգ դեպք՝ Երևանում. 16-ամյա աղջնակը, ում նկատմամբ բռնություն է կիրառվել, տեղափոխվել է «Մուրացան» մանկական հիվանդանոց 12/20/2024 18:12 «Ուրեմն երեխեքին դու ես վառել»․ լարված իրավիճակ՝ Ազատի զինվորական կացարանի հրդեհի գործով նիստին 12/22/2024 11:01 Արտակարգ վայրէջք կատարած ինքնաթիռի անձնակազմին հայտնաբերել են 4 օր անց. տուժածները պատմել են, թե ինչպես են ողջ մնացել 12/21/2024 19:04 Ո՞վ կամ ովքե՞ր են ստիպել Հայաստանի իշխանություններին գաղտագողի ճանաչել Կոսովոյի անձնագրերը․ Քաղաքագետ 12/20/2024 18:09 Դպրոցների տնօրենները կարդում են՝ չեն հասկանում, անկախ հրամանից դպրոցականները տանը կլինեն նաև հունվարի 6-ին. ԿԳՄՍՆ 12/22/2024 11:19 Ավտոմեքենայի վերանորոգման հետ կապված վիճաբանությունից հետո «Թիթեռի» որդին և ընկերը եկել են հաշվեհարդարի․ կա վիրավոր 12/20/2024 20:29 Տիգրանն էլ, Եղիշեն էլ հոգեկան ծանր վիճակում էին, գոռում էին, լացում․ հրդեհից հետո դեպքի վայր ժամանած փոխգնդապետը չի տեսել՝ ինչպես են զինծառայողների աճյունները հանվել 12/21/2024 20:10 Հայտնի են այն մասնագիտությունները, որոնց ներկայացուցիչները բոլորից քիչ են մահանում Ալցհեյմերի հիվանդությունից 12/21/2024 21:12 Էլեկտրաէներգիայի անջատման հասցեները 12/21/2024 08:32 Քյարամյանի և Բադասյանի դեմ հաղորդում կներկայացվի․ «Հրապարակ» 12/22/2024 13:52 Տարադրամի փոխարժեքները դեկտեմբերի 22 -ին 12/21/2024 20:57 Մահվան ելքով վրաերթ՝ Արարատի մարզում. վարորդը դիմել է փախուստի. շտապօգնության բժիշկներն արձանագրել են հետիոտնի մահը 12/21/2024 11:33 Երկրորդ դրոնը հարվածել է Կազանի բարձրահարկ շենքին՝ այնտեղից մարդկանց տարհանման ժամանակ 12/22/2024 15:46 Մահացել է ԱԺ նախկին պատգամավոր Տիգրան Եգանյանը 12/21/2024 08:35 «Պադավատապետության» մեքենաների կրճատումն ու ՆԳՆ նոր նախարարի` շարժական գույքի գնումները. «Ժողովուրդ» 12/21/2024 18:49 Իրանը նախատեսում է դենոմինացիա իրականացնել 12/21/2024 12:41 Անբարոյականության գերագույն դրսեւորում է. իրենք են իրենց ընտանիքը դարձրել հանրային քննարկման առարկա 12/21/2024 14:23 Իրանում երկրաշարժ է տեղի ունեցել

Բանդայի նոր գործով կներգրավվի նոր մեղադրող 05/19/2014 13:54 | Քրեական խրոնիկոն

«Տարադրամի փոխանակման կետերի և դրանցում աշխատող անձանց վրա հարձակվելու նպատակով» ստեղծված բանդայի նոր գործով այսօրվա առաջին դատական նիստը տեղի չունեցավ: Մեղադրող Հովհաննես Ենոքյանը դատարանին տեղեկացրել է, որ թոշակի անցնելու դիմում է գրել, ուստի նախատեսվում է, որ գործով մեղադրանքը դատարանում կպաշտպանի այլ մեղադրող:

Գործով 9 ամբաստանյալներից երեքը չունեն պաշտպաններ, նրանցից երկուսը՝ Գոհար Գաբրիելյանն ու Մառլեն Մուրադյանը, հայտարարեցին, որ չեն ցանկանում պաշտպան ներգրավել, իսկ Կարեն Վարդանյանը 20 օր ժամանակ խնդրեց՝ պաշտպան ներգրավելու համար առկա ֆինանսական խնդիրները կարգավորելու համար: Դատարանն ամբաստանյալին տեղեկացրեց, որ նա կարող է ներգրավել հանրային պաշտպան: Ամբաստանյալը, սակայն, հայտարարեց, որ չի ցանկանում օգտվել հանրային պաշտպանի ծառայություններից: Դատարանը բավարարեց ամբաստանյալի միջնորդությունը:

Գործով 9 ամբաստանյալներից 4-ին՝ ի թիվս այլ մեղադրանքների, առաջադրվել է բանդիտիզմի մեղադրանք, մասնավորապես, մեկ ամբաստանյալի` բանդա ստեղծելու ու ղեկավարելու, ևս երեքին՝ բանդայում մասնակցության մեղադրանքներ:

Այսպես, ըստ մեղադրանքի՝ 27-ամյա Ռաֆայել Հարոյանը Երևան քաղաքում գտնվող տարադրամի փոխանակման կետերի և դրանցում աշխատող անձանց վրա հարձակվելու նպատակով ստեղծել և անձամբ ղեկավարել է կազմակերպված զինված խումբ՝ բանդա: Դրա կազմում, ըստ մեղադրական եզրակացության, նա 2012 թվականի սեպտեմբերին ընդգրկել է Տիգրան Հովհաննիսյանին, հետագայում նաև` Հայկ Կոջոյանին ու Կարեն Վարդանյանին։

«Ռաֆայել Հարոյանի նախաձեռնությամբ ձևավորված և անմիջականորեն նրա ղեկավարմամբ գործած բանդայի անդամները՝ կայուն անփոփոխ հանցակիցների կազմով, մանրակրկիտ ծրագրված եղանակով, ինչպես նաև՝ փոխադարձ սերտ համագործակցությամբ, առաջնորդվելով Ռաֆայել Հարոյանի դերաբախշմամբ իրենց վերապահված դերակատարման և ստանձնած պարտականությունների շրջանակներում, Երևան քաղաքում գտնվող տարադրամի փոխանակման կետերի ու դրանց աշխատակիցների նկատմամբ վազակային հարձակումներ կատարելու վերաբերյալ ունեցած նախնական համաձայնության շրջանակներում նախատեսած իրենց հանցավոր նպատակներն իրականացնելու համար, ապօրինի կերպով ձեռք են բերել 12 մմ տրամաչափի «Վինչեստր» տեսակի որսորդական ողորկավաղ հրացան՝ համապատասխան փամփուշտներով, հրազեն հանդիսացող՝ 7,62 մմ տրամաչափի «ՏՏ» տեսակի ատրճանակ ու դրա համար նախատեսված, ռազմամթերք հանդիսացող 7,62 մմ տրամաչափի փամփուշտներ, «ՎԱԶ 2121» մակնիշի ավտոմեքենաներ, դիմակներ, հետևել են տարադրամի փոխանակման կետերի աշխատակիցների տեղաշարժին, ընտրել վերջիններիս վրա հարձակում կատարելու համար առավել նպաստավոր վայրեր»,- նշվում է մեղադրական եզրակացության մեջ։

Ըստ մեղադրական եզրակացության՝ կազմակերպված զինված խմբի հարձակումները չեն սահմանափակվել միայն կյանքի կամ առողջության համար վտանգավոր բռնություն գործադրելով կամ առողջությանը ծանր վնաս պատճառելով, այլ «բանդայի անդամներից Կարեն Վարդանյանը, հանցակիցների սահմանազանցմամբ՝ կատարել է նաև սպանություն»: Դատելով մեղադրական եզրակացությունից՝ խմբի մյուս անդամները սպանության դիտավորություն չեն ունեցել:

Ըստ գործի նյութերի՝ բանդայի անդամ Տիգրան Հովհաննիսյանը բանկերից մեկի հետ երկարաժամկետ ավանդային պայմանագրեր կնքած ավանդատուների հաշվեհամարներից գումարներ հափշտակելու նպատակով նախնական համաձայնության է եկել կնոջ` հիշյալ բանկի գործառնական վարչության հաճախորդների սպասարկման բաժնի մասնագետ էդիտա Ալիխանյանի հետ, ով ի պաշտոնե վերապահված գործառույթներից ելնելով՝ հասանելիություն է ունեցել ավանդատուների բանկային տվյալներին։

«Հանցավոր մտադրության համաձայն՝ Տիգրան Հովհաննիսյանը կնոջ հետ՝ խմբով, նախնական համաձայնությամբ՝ 2012 թվականի հուլիսի 31-ից մինչև 2013 թվականի մայիսի 3-ն ընկած ժամանակահատվածում, համակարգչային տեխնիկայի օգտագործմամբ հափշտակել է առանձնապես խոշոր չափերի՝ 309.477.642 ՀՀ դրամին համարժեք 723.940 ԱՄՆ դոլար և 83.668.795 ՀՀ դրամ»,- նշվում է մեղադրական եզրակացության մեջ։

Ըստ մեղադրանքի՝ Մնացական Սարգսյանն օժանդակել է 2012 թվականի նոյեմբերի 19-ից 2013 թվականի մարտի 7-ն ընկած ժամանակահատվածում էդիտա Ալիխանյանի և նրա ամուսնու՝ Տիգրան Հովհաննիսյանի կողմից համակարգչային տեխնիկայի օգտագործմամբ Բանկի հետ երկարաժամկետ ավանդային պայմանագրեր կնքած ավանդատուների հաշվեհամարներից առանձնապես խոշոր չափերի՝ 46.788.000 ՀՀ դրամին համարժեք 100.000 ԱՄՆ դոլարի և 5.970.000 ՀՀ դրամի հափշտակությանը, ինչպես նաև 2012 թվականի դեկտեմբեր ամսին ապօրինի կերպով ձեռք է բերել, իր մոտ պահել, ապա ապօրինի իրացրել է զենք և ռազմամթերք:

Գոհար Գաբրիելյանը, առաջադրված մեղադրանքի համաձայն, ևս օգնել է էդիտա Ալիխանյանին և նրա ամուսնուն ավանդատուների հաշվեհամարներից գումարների հափշտակությանը, բայց արդեն 2012 թվականի սեպտեմբերի 13-ից մինչև 2013 թվականի մայիսի 3-ն ընկած ժամանակահատվածում: Հափշտակված գումարը կազմում է 73.169.992 ՀՀ դրամին համարժեք 119.900 ԱՄՆ դոլար և 23.923.795 ՀՀ դրամ։

Վահե Ստեփանյանը մեղադրվում է ամուսիններին 2013 թվականի մարտի 14-ին օժանդակելու մեջ, որի արդյունքում համակարգչային տեխնիկայի օգտագործմամբ Բանկի հետ երկարաժամկետ ավանդային պայմանագրեր կնքած ավանդատուների հաշվեհամարներից հափշտակվել է առանձնապես խոշոր չափերի՝ 12.428.400 ՀՀ դրամին համարժեք 30.000 ԱՄՆ դոլար։

Մառլեն Մուրադյանը, ըստ մեղադրանքի, Էդիտա Ալիխանյանին և նրա ամուսնուն օժանդակել է 2012 թվականի սեպտեմբերի 13-ից մինչև 2013 թվականի ապրիլի 30-ն ընկած ժամանակահատվածում՝ համակարգչային տեխնիկայի օգտագործմամբ, Բանկի հետ երկարաժամկետ ավանդային պայմանագրեր կնքած ավանդատուների աշվեհամարներից առանձնապես խոշոր չափերի՝ 65.858.153 ՀՀ դրամին համարժեք 147.740 ԱՄՆ դոլարի և 5.505.000 ՀՀ դրամի հափշտակությանը:

Այսպիսով՝ Ռաֆայել Հարոյանին մեղադրանք է առաջադրվել ՀՀ քրեական օրենսգրքի 222-րդ հոդվածի 1-ին մասով՝ բանդա ստեղծելը, 175-րդ հոդվածի 3-րդ մասի 3-րդ կետով՝ առողջությանը ծանր վնաս պատճառելով՝ ավազակություն, 235-րդ հոդվածի 1-ին մասով՝ ապօրինի կերպով զենք ձեռք բերելը, 175-րդ հոդվածի 3-րդ մասի 1-ին կետով՝ առանձնապես խոշոր չափերի գույք հափշտակելու նպատակով ավազակություն:

Տիգրան Հովհաննիսյանը մեղադրվում է՝ ՀՀ քրեական օրենսգրքի 181-րդ հոդվածի 3-րդ մասի 1-ին կետով՝ առանձնապես խոշոր չափերի հափշտակություն, որ կատարվել է համակարգչային տեխնիկայի օգտագործմամբ, 222-րդ հոդվածի 2-րդ մասով՝ բանդայում մասնակցությունը, 175-րդ հոդվածի 3-րդ մասի 3-րդ կետով, 235-րդ հոդվածի 1-ին մասով, 175-րդ հոդվածի 3-րդ մասի 1-ին կետով:

Հայկ Կոջոյանին մեղադրանք է առաջադրվել՝ ՀՀ քրեական օրենսգրքի 222-րդ հոդվածի 2-րդ մասով, 235-րդ հոդվածի 1-ին մասով, 175-րդ հոդվածի 3-րդ մասի 1-ին կետով, Կարեն Վարդանյանին՝ 222-րդ հոդվածի 2-րդ մասով, 235-րդ հոդվածի 1-ին մասով, 175-րդ հոդվածի 3-րդ մասի 1-ին կետով, 104-րդ հոդվածի 2-րդ մասի 8-րդ կետով՝ ավազակությամբ կամ բանդիտիզմով սպանություն:

Մնացական Սարգսյանը մեղադրվում է՝ ՀՀ քրեական օրենսգրքի 38-181-րդ հոդվածի 3-րդ մասի 1-ին կետով՝ համակարգչային տեխնիկայի օգտագործմամբ կատարված առանձնապես խոշոր չափերի հափշտակությանն օժանդակել, 235-րդ հոդվածի 1-ին մասով, Էդիտա Ալիխանյանը` ՀՀ քրեական օրենսգրքի 214-րդ հոդվածի 2-րդ մասով՝ առևտրային կազմակերպության ծառայողի կողմից լիազորությունները չարաշահելը, որն առաջացրել է ծանր հետևանքներ, 181-րդ հոդվածի 3-րդ մասի 1-ին կետով, Գոհար Գաբրիելյանը` 181-րդ հոդվածի 3-րդ մասի 1-ին կետով, իսկ Վահե Ստեփանյանը և Մառլեն Մուրադյանը՝ 38-181-րդ հոդվածի 3-րդ մասի 1-ին կետով: