Սպանության մեջ մեղադրվողը՝ ազատության մեջ

ԲՈԼՈՐ ՆՅՈՒԹԵՐԸ

Բոլորը

12/20/2024 22:22 Ռուբեն Վարդանյանի որդին շնորհակալություն է հայտնել Պուտինին աջակցության համար 12/20/2024 16:25 Մեղքից չեմ խուսափում. Եղիշե Հակոբյանը ընդունեց, որ ինքն է վառարանը միացրել. ցուցմունքը տալիս էր հեւալով (տեսանյութ) 12/20/2024 18:49 Կառավարությանը լրացուցիչ 30 օր է անհրաժեշտ պարզելու, թե ով է թույլ տվել Փաշինյանի կնոջը՝ կառավարության շենքում ֆոտոսոսիա իրականացնել 12/21/2024 21:32 Արտակարգ դեպք՝ Երևանում. 16-ամյա աղջնակը, ում նկատմամբ բռնություն է կիրառվել, տեղափոխվել է «Մուրացան» մանկական հիվանդանոց 12/20/2024 18:12 «Ուրեմն երեխեքին դու ես վառել»․ լարված իրավիճակ՝ Ազատի զինվորական կացարանի հրդեհի գործով նիստին 12/22/2024 11:01 Արտակարգ վայրէջք կատարած ինքնաթիռի անձնակազմին հայտնաբերել են 4 օր անց. տուժածները պատմել են, թե ինչպես են ողջ մնացել 12/21/2024 19:04 Ո՞վ կամ ովքե՞ր են ստիպել Հայաստանի իշխանություններին գաղտագողի ճանաչել Կոսովոյի անձնագրերը․ Քաղաքագետ 12/20/2024 18:09 Դպրոցների տնօրենները կարդում են՝ չեն հասկանում, անկախ հրամանից դպրոցականները տանը կլինեն նաև հունվարի 6-ին. ԿԳՄՍՆ 12/22/2024 11:19 Ավտոմեքենայի վերանորոգման հետ կապված վիճաբանությունից հետո «Թիթեռի» որդին և ընկերը եկել են հաշվեհարդարի․ կա վիրավոր 12/21/2024 20:10 Հայտնի են այն մասնագիտությունները, որոնց ներկայացուցիչները բոլորից քիչ են մահանում Ալցհեյմերի հիվանդությունից 12/20/2024 20:29 Տիգրանն էլ, Եղիշեն էլ հոգեկան ծանր վիճակում էին, գոռում էին, լացում․ հրդեհից հետո դեպքի վայր ժամանած փոխգնդապետը չի տեսել՝ ինչպես են զինծառայողների աճյունները հանվել 12/21/2024 21:12 Էլեկտրաէներգիայի անջատման հասցեները 12/21/2024 08:32 Քյարամյանի և Բադասյանի դեմ հաղորդում կներկայացվի․ «Հրապարակ» 12/21/2024 20:57 Մահվան ելքով վրաերթ՝ Արարատի մարզում. վարորդը դիմել է փախուստի. շտապօգնության բժիշկներն արձանագրել են հետիոտնի մահը 12/22/2024 13:52 Տարադրամի փոխարժեքները դեկտեմբերի 22 -ին 12/21/2024 11:33 Երկրորդ դրոնը հարվածել է Կազանի բարձրահարկ շենքին՝ այնտեղից մարդկանց տարհանման ժամանակ 12/20/2024 16:24 «Վնուկովոյում» բերման են ենթարկել Երևան-Մոսկվա չվերթի ուղևորին, ով օդանավում հարվածել է բորտուղեկցորդին 12/21/2024 12:41 Անբարոյականության գերագույն դրսեւորում է. իրենք են իրենց ընտանիքը դարձրել հանրային քննարկման առարկա 12/21/2024 18:49 Իրանը նախատեսում է դենոմինացիա իրականացնել 12/21/2024 14:23 Իրանում երկրաշարժ է տեղի ունեցել

Սպանության մեջ մեղադրվողը՝ ազատության մեջ 01/22/2014 17:30 | ՀՐԱՏԱՊ ԹԵՄԱ

Ռուսաստանաբնակ գործարարի սպանության մեջ մեղադրվող, Սևանի Ծովագյուղ գյուղում 1988թ. ծնված Մկրտիչ Սարգսյանի նկատմամբ հարուցված քրեական գործը կարճվել է: Իսկ պատվիրված սպանության գործով մեղադրյալն ազատ է արձակվել` ապացույցների անբավարարության պատճառաբանությամբ։

Ինչպես ավելի վաղ «Փաստինֆո»-ն տեղեկացրել է, 2011թ. փետրվարի 9-ին ՌԴ Նովոսիբիրսկ քաղաքում սպանվել էր խոշոր գործարար Կ.Ալոյանը, ով զբաղվում էր կոշիկի արտադրությամբ, առևտրային և օֆիսային տարածքների վարձակալությամբ, դրամական միջոցների կանխիկացմամբ, տոկոսներով դրամական միջոցների տրամադրմամբ:

Նովոսիբիրսկի մարզի քննչական վարչության հատկապես կարևոր գործերով քննության բաժնում իրականացված նախաքննությամբ պարզվել էր, որ 2011թ. հունվար-փետրվար ամիսներին Կ.Ալոյանի և քննությամբ չպարզված անձանց միջև վեճ է ծագել` վերջիններիս կողմից 16 000 000 ռուսական ռուբլին Ալոյանին չվերադարձնելու շուրջ: Այնուհետև քննությամբ չպարզված անձինք դիմել են ՀՀ քաղաքացի, Սևանի Ծովագյուղ գյուղում 1988թ. ծնված Մկրտիչ Սարգսյանին` վերջինիս առաջարկելով պատվերով, որոշակի վարձատրության դիմաց սպանել Ալոյանին:

Ռուսաստանի իրավապահների բացահայտած փաստերի համաձայն` 2011թ. փետրվարի 6-ից Մկրտիչ Սարգսյանը հետևել է գործարարին, իսկ 2011թ. փետրվարի 8-ի գիշերը դարանակալել, ապա հրազենային 2 կրակոցով սպանել է Կ.Ալոյանին վերջինիս ծանոթուհու բնակարանի մոտ:

Սակայն, մինչ այս բացահայտումը, Մ.Սարգսյանն արդեն հասցրել էր 2012թ. մարտի 20-ին մեկնել ՌԴ «Վնուկովո» օդանավակայանից:

2012թ. նոյեմբերի 2-ին Մկրտիչ Սարգսյանի նկատմամբ հայտարարվեց հետախուզում:

Երեք ամիս անց` 2013թ. հունվարի 26-ին, Մ.Սարգսյանը Մոսկվայում հայտնաբերվել, ձերբակալվել և տեղափոխվել է ՀՀ ոստիկանության Երևանի ՁԱՊՎ: Նույն օրը ՀՀ ոստիկանության քրեական հետախուզության գլխավոր վարչության միջոցով ստացվել է Մ. Սարգսյանի նկատմամբ խափանման միջոցը կալանավորումն ընտրելու մասին ՌԴ Նովոսիբիրսկ քաղաքի Լենինյան շրջանի դատարանի 13.11.2012թ. որոշումը:

Սակայն մեր դատարանն այս հարցի շուրջ այլ տեսակետ ուներ:

Երևանի Կենտրոն և Նորք Մարաշ վարչական շրջանների ընդհանուր իրավասության առաջին ատյանի դատարանը, 2013թ. հունվարի 29-ին քննության առնելով Մկրտիչ Սարգսյանի նկատմամբ կալանավորումը որպես խափանման միջոց ընտրելու մասին միջնորդությունը, մերժել է այն` պատճառաբանելով, որ Հայաստանի և Ռուսաստանի միջև գործող միջազգային պայմանագրի իմաստով սեփական քաղաքացու հանձնումն օտարերկրյա պետությանն ուղղակիորեն արգելված է, ուստի՝ քանի որ Մ.Սարգսյանը հանդիսանում է ՀՀ քաղաքացի, օտարերկրյա պետությանը հանձնելու նպատակով կալանավորվել չի կարող:

Խնդրին, թե որքանով էր դատարանի այս որոշումը բխում օրենքի պահանջներից «Փաստինֆո»-ն հանգամանորեն անդրադարձել էր 14.02.2013թ. «Դատարանի շնորհիվ ազատության մեջ է հայտնվել սպանության համար հետախուզվողը» հրապարակմամբ:

Նշենք միայն, որ դատարանին ներկայացված միջնորդությունն իրականում չէր վերաբերում Մ.Սարգսյանին հանձնելու նպատակով կալանավորելուն, բայց մինչ վերաքննիչ դատարանը կքննարկեր առաջին ատյանի դատարանի որոշման դեմ դատախազության բողոքը, Մկրտիչ Սարգսյանը դիմեց փախուստի, կեղծ անձնագրով հատեց ՀՀ սահմանն ու դարձյալ հայտնվեց Ռուսաստանում:

Սակայն Ռուսաստանի իրավապահները նկատել էին անձնագրի կեղծ լինելը եւ նրան արտաքսեցին Հայաստան: Այս անգամ, սակայն, ՀՀ ԱԱԾ-ում քննվող գործի շրջանակներում Մ.Սարգսյանի նկատմամբ, ի վերջո, խափանման միջոց էր ընտրվել կալանավորումը:

Եվ ահա շուրջ 1 տարի անազատության մեջ անցկացնելուց հետո, պարզվում է, որ ծանր հանցագործության մեջ մեղադրվող անձը դարձյալ ազատ է արձակվել:

Թե ինչ հիմքով է ծանր հանցագործության մեջ մեղադրվող Մկրտիչ Սարգսյանը հայտնվել ազատության մեջ, «Փաստինֆո»-ին հաջողվեց պարզել հետևյալը.

Գործարարի սպանության մեղադրանքով Մկրտիչ Սարգսյանի նկատմամբ հարուցված քրեական գործը կարճվել է՝ ապացույցների անբավարար լինելու հիմքով: Իսկ կեղծ փաստաթղթերով ապօրինի սահմանը հատելու մեղադրանքով՝ Մկրտիչ Սարգսյանի նկատմամբ խափանման միջոց է ընտրվել ստորագրությունը չհեռանալու մասին և այս մեղադրանքով քրեական գործը կքննվի դատարանում:

Հեղինակ՝ Նելլի Դանիելյան