Մեղադրյալն ուզում է ցուցմունք տալ, քննիչը «դիմադրում է». Նոր մանրամասներ քրեական հեղինակության գործից - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

11/22/2024 17:59 «Ֆազ»-ը սպանվել է գլխի շրջանում ստացած հրազենային վնասվածքներից. Մեղադրյալներն են՝ «Չաղ Ռուստամը» և Աշոտ Կուրեղյանը. Հայտնի է ով կքննի 11/22/2024 18:36 Դժբախտ պատահարի հետևանքով մաhաgել է Հայաստանի կարատեի առաջնությունների բազմակի չեմպիոն Մկրտիչ Ղազարյանը 11/21/2024 21:29 Վարորդը մահացել է, ուղևորները տեղափոխվել են հիվանդանոց 11/22/2024 15:19 Հաջիևն ասել է՝ ինչ պայմանով հայերը կարող են վերադառնալ Արցախ 11/21/2024 21:51 Արմավիրի մարզում տեսախցիկն արձանագրել է «BMW»-ի և ջերմաքարշ գնացքի բախումը. քննչական բաժինն ու ոստիկանությունն էլ պարզել են մահացածի ինքնությունը 11/22/2024 15:04 Քաղաքապետարանի աշխատակիցները բռնի ուժով իջեցրին ավտոբուսից. TelCell-ի ապարատը կտրոն չի տալիս, ես էլ 100 դրամանոց չունեի.Ահազանգ բնակչից 11/21/2024 20:20 Պետական դավաճանության մեջ մեղադրվող տղամարդն ինքնախոստովական ցուցմունքը տվել է ԱԱԾ-ում ծեծի ենթարկվելուց հետո․ նրան դիմակավորված անձինք ձերբակալել են 7 տարեկան երեխայի աչքի առաջ. պնդում է կինը 11/21/2024 16:37 Ռոմանոս Պետրոսյանը կփոխարինի՞ Ռուտամ Բադասյանին 11/21/2024 18:45 Շատ ճիշտ գնահատական է, կամավորականությունը պետություն չունենալու մասին է. Մովսես Հակոբյան 11/21/2024 20:36 Հեղափոխությունը մտնում է «յակոբինյան» փուլ. Փաշինյանն էլ չգիտեր, որ պետք է հեռացնի այդ մարդկանց․ Շարմազանով (Տեսանյութ) 11/22/2024 23:07 Խոշոր ավտովթար՝ Երևանում. բախվել են «Toyota»-ն ու «Mercedes GLE»-ն, վերջինս կոտրել է խաչմերուկը կարգավորող լուսակիրը ու հայտնվել հետիոտնի անցման վայրում. կան վիրավորներ 11/22/2024 10:50 Ողբերգական վթար Երևանում.մահացածը մոտոցիկլի վարորդ պարեկն է. shamshyan.com 11/22/2024 08:09 Հովիկ Աղազարյանը անհարմար դրության մեջ է դրել Նիկոլ Փաշինյանին. «Ժողովուրդ» 11/22/2024 20:19 Մեծ տոկոսը կտրելու եմ կացնային ձեւով. Փաշինյան 11/22/2024 08:19 3 միլիոն դրամը փող չԷ՞․ «Հրապարակ» 11/21/2024 20:35 Ինչ ժառանգություն թողեց Վահե Ղազարյանը 11/21/2024 17:04 Կարեն Սարուխանյանը շարունակո՞ւմ է մնալ Գյումրիի քաղաքապետի՝ ՔՊ-ի թեկնածուն. Էմմա Պալյանը՝ Սարուխանյանի մասին գյումրեցիների կարծիքի վերաբերյալ 11/21/2024 16:15 Ով էր ճեպազրույցի ժամանակ զանգել Զախարովային 11/23/2024 08:03 Ովքեր եւ ինչ ձեւաչափով կընտրեն Հակակոռուպցիոն կոմիտեի նախագահ. թեկնածությունն է առաջադրելու նաեւ Էդգար Ղազարյանը. «Ժողովուրդ» 11/21/2024 19:20 Ուսանողների մոտ պայքարելու մոտիվացիա կա, հեշտ չի լինելու նրանց Բրյուսովի շենքերից հանելը. Ցոլակ Ակոպյան

Մեղադրյալն ուզում է ցուցմունք տալ, քննիչը «դիմադրում է». Նոր մանրամասներ քրեական հեղինակության գործից 11/20/2013 13:13 | ՀՐԱՏԱՊ ԹԵՄԱ

Քրեական հեղինակություն համարվող Ռաֆիկ Մադոյանի սպանության նախապատրաստության գործով մեղադրյալներից մեկի՝ Մարտին Ծերունյանի կալանավորման և երեք անգամ կալանավորման ժամկետները երկարացնելու դատարանի որոշումներն անհիմն են, հիմնավորված չէ անգամ հիմնավոր կասկածը: Այս մասին «Փաստինֆո»-ի թղթակցի հետ զրույցում հայտնեց մեղադրյալի պաշտպան, փաստաբան Սամվել Ջաղինյանը:

Ըստ պաշտպանի` իր պաշտպանյալին ՀՀ քրեական օրենսգրքի 35-104-րդ 2-րդ մասի 7-րդ և 8-րդ կետերով մայիսի 14-ին առաջադրված մեղադրանքն անհիմն է ու անհասկանալի, բոլոր փորձերը` նախաքննական մարմնից մեղադրանքի շուրջ պարզաբանումներ ստանալու ուղղությամբ, մատնվել են անհաջողության, պարզաբանումներ չեն տրվել: Մասնավորապես, պարզաբանման ենթակա է մեղադրանքի գլխավոր միտքը. «մի խումբ անձանց հետ նախնական համաձայնությամբ, շահադիտական դրդումներով, ուղղակի դիտավորությամբ կատարել է ապօրինաբար Ռաֆիկ Մադոյանին դիտավորությամբ կյանքից զրկելու՝ սպանության նախապատրաստությանն ուղղված գործողություններ»: «Կանգնել ենք փակուղու առաջ, չենք կարողանում առաջ գնալ, վեց ամիս հետո հասկացանք, որ լղոզված մեղադրանք է, 6 մեղադրյալներից Մարտինն ընդամենը մեկին է ճանաչում. եթե ոչ ոքի չի ճանանաչում, չի կարող համաձայնության գալ, չէ՞»,- իր հերթին հարց ուղղեց Սամվել Ջաղինյանը:

Մ. Ծերունյանին որպես մեղադրյալ ներգրավելու որոշման մեջ հիշատակված գլխավոր մտքից հետո «որպիսիք արտահայտվել են հետևյալում» բառերից հետո հետևում է «մի խումբ անձանց » վերագրվող կամ մեղսագրվող գործողությունների նկարագրություն: Ի դեպ, «մի խումբ անձանցից» մեղադրյալը ճանաչում է միայն Դավիթ Զիրոյանին:

Մարտին Ծերունյանին առնչվում են միայն հետևյալ տողերը՝ «հանցավոր մտադրությունն իրագործելուն ուղղված դիտավորյալ գործողություններն ավարտին հասցնելու նպատակով Դավիթ Զիրոյանը 2013թ. մայիսի սկզբներին դիմել է Մարտին Ծերունյանին: Վերջինս, խոստանալով գտնել սպանության կատարողի, երկու օր անց հանդիպել է քննությամբ դեռևս չպարզված անձի, ինչից հետո տալով նախնական դրական պատասխան՝ որպես խոստացված գումարի վճարման երաշխիք, պահանջել է Դավիթ Զիրոյանին մինչև հանցագործության ավարտը մնալ Հայաստանում»:

Այս հատվածից էլ երևում է, որ «մի խումբ անձանց» մեջ են մտնում Դավիթ Զիրոյանը և «քննությամբ դեռևս չպարզված անձը», իսկ գործողությունը, որի մեջ մեղադրում են Մարտին Ծերունյանին, ըստ նրա պաշտպանի, խոստում տալն է: Սամվել Ջաղինյանը վստահ է, որ նախաքննական մարմինը չունի նաև խոստում տալու ապացույցը: «Խնդիրն այն է, որ Դավիթ Զիրոյանը հեռախոսով խոսում է Հովհաննես Ղամարյանի հետ այստեղից Իսպանիա, ասում՝ Մարտինն ինձ խոսք ա տվել: Ընդամենը միայն այդ հեռախոսային խոսակցության ձայնագրությունն է, Դավիթը Զիրոյանը ցուցմունք չի տալիս: Դավիթը կարող էր սուտ ասել, ենթադրում եմ, սուտ է խոսել, գլուխ գովեր: Մենք ո՞նց երկու այլ անձանց հեռախոսային խոսակցության բովանդակությունը հերքենք, երբ որ ասում ենք՝ խոսք չենք տվել, տեղյակ չենք»,- ասաց պաշտպանը:

Ս.Ջաղինյանը նշեց, որ Մ.Ծերունյանն արդեն 7-րդ ամիսն է, ինչ կալանքի տակ է, և առաջին օրվանից մեղադրյալը պատրաստակամություն է հայտնում ցուցմունք տալ, քննիչն ասում է. «Ես ինքս եմ որոշելու, թե երբ Ձեզ կհարցաքննեմ»: Քննիչի «պատշաճ ջանասիրությունը» դրսևորվել է ընդամենը երեք անգամ, երբ նա բերել է կալանքի, այն երկարացնելու որոշումները, մեկ անգամ էլ ծանոթացրել փորձաքննության եզրակացությանը, «ուրիշ որևէ գործողություն Մարտին Ծերունյանի հետ չի կատարվել»:

Ջանասիրությունը երևում է նաև կալանքի ժամկետը երկարացնելու համար դատարան ներկայացված «հիմքերից»՝ «քննիչը դատարկ թղթի վրա անձի կենսագրական տվյալներն է ներկայացրել ու ասում՝ ես աշխատել եմ, երկարացրեք կալանքի ժամկետը»:

Իրականում, պաշտպան Ջաղինյանի փոխանցմամբ, փաստերը հետևյալն են՝ Դավիթ Զիրոյանը Մարտին Ծերունյանի վաղեմի բարեկամն է, մշտապես շփվել են, մայիսի 1-ին էլ են շփվել, գնացել, հաց են կերել իրար հետ: Մայիսի 7-ին էլ, երբ Դավիթը զանգահարում, ասում է՝ «ուզում եմ տեսնել, Մարտին, քեզ, ասում է՝ այսինչ վայրում, նախատեսվում է, որ պետք է գնան իրար հետ մի բաժակ բան խմեն»: Հանդիպում են, գնում «Բեռլոգա» ռեստորան, նստում, լավ խմում են, կողքի սեղանից էլ է հյուրասիրվում: Շատ լավ խմած է լինում»:

Ըստ պաշտպանի` հիշյալ հանդիպման ընթացքում խոսել են տարբեր թեմաներից` թե՛ Մոսկվայից, թե՛ Երևանից, տարբեր թեմաներից: «Ու ընթացքում իրոք եղել է նման խոսակցություն, որ Դավիթը պատմեց մի անձնավորության մասին, որը սրիկա է, լավ մարդ չի, շատ մարդկանց վատություն է արել, որ իրեն պետք է պատժել, ընդամենը այդքան է լինում այդ խոսակցությունը»,- նշեց պաշտպանը՝ հավելելով, որ իր պաշտպանյալն այդ ամբողջ պատմության ընթացքում եղել է լսողի դերում: Դավիթի հետ ռեստորանում գտնվելու ողջ ընթացքում Մարտին Ծերունյանն անընդհատ զանգահարել է իր խնամուն: Այս պայմաններում որևէ լուրջ խոսակցություն չի եղել և չէր կարող լինել՝ Մարտին Ծերունյանը ոչ մի հետաքրքրություն կամ շահագրգռվածություն չի ունեցել այդ պատմության առնչությամբ, նույնիսկ չի էլ հետաքրքրվել Դավիթի պատմածով, մասնավորապես՝ ով է այդ անձը, որտեղ է բնակվում և այլն: Քննիչի հակափաստարկն է՝ «վերջում կիմանար»:

Նշենք, որ վերջերս Սամվել Ջաղինյանը բաց նամակ էր հղել ՀՀ գլխավոր դատախազ Գևորգ Կոստանյանին՝ խնդրելով ծանոթանալ Մ.Ծերունյանին առաջադրված մեղադրանքի էությանը: «Համոզված եմ, որ այդ ժամանակ Ձեր համար ևս ակնհայտ կդառնա, որ Ծերունյանը որևէ հանցավոր արարք չի կատարել, նրան առաջադրվել է անհիմն և անարդարացի մեղադրանք, ուստի խնդրում եմ հանձնարարել իմ պաշտպանյալի նկատմամբ քրեական հետապնդումը դադարեցնել և նրա նկատմամբ ընտրված խափանման միջոցը վերացնել»,- նշվում էր բաց նամակում:

Որևէ արձագանք գլխավոր դատախազությունից փաստաբանը չի ստացել: