Կարգապահական վարույթ է հարուցվել Յուրի Վարդանյանի որդու պաշտպանի նկատմամբ

ԲՈԼՈՐ ՆՅՈՒԹԵՐԸ

Բոլորը

12/20/2024 22:22 Ռուբեն Վարդանյանի որդին շնորհակալություն է հայտնել Պուտինին աջակցության համար 12/20/2024 18:49 Կառավարությանը լրացուցիչ 30 օր է անհրաժեշտ պարզելու, թե ով է թույլ տվել Փաշինյանի կնոջը՝ կառավարության շենքում ֆոտոսոսիա իրականացնել 12/21/2024 21:32 Արտակարգ դեպք՝ Երևանում. 16-ամյա աղջնակը, ում նկատմամբ բռնություն է կիրառվել, տեղափոխվել է «Մուրացան» մանկական հիվանդանոց 12/20/2024 18:12 «Ուրեմն երեխեքին դու ես վառել»․ լարված իրավիճակ՝ Ազատի զինվորական կացարանի հրդեհի գործով նիստին 12/22/2024 11:01 Արտակարգ վայրէջք կատարած ինքնաթիռի անձնակազմին հայտնաբերել են 4 օր անց. տուժածները պատմել են, թե ինչպես են ողջ մնացել 12/21/2024 19:04 Ո՞վ կամ ովքե՞ր են ստիպել Հայաստանի իշխանություններին գաղտագողի ճանաչել Կոսովոյի անձնագրերը․ Քաղաքագետ 12/22/2024 11:19 Ավտոմեքենայի վերանորոգման հետ կապված վիճաբանությունից հետո «Թիթեռի» որդին և ընկերը եկել են հաշվեհարդարի․ կա վիրավոր 12/20/2024 18:09 Դպրոցների տնօրենները կարդում են՝ չեն հասկանում, անկախ հրամանից դպրոցականները տանը կլինեն նաև հունվարի 6-ին. ԿԳՄՍՆ 12/21/2024 20:10 Հայտնի են այն մասնագիտությունները, որոնց ներկայացուցիչները բոլորից քիչ են մահանում Ալցհեյմերի հիվանդությունից 12/20/2024 20:29 Տիգրանն էլ, Եղիշեն էլ հոգեկան ծանր վիճակում էին, գոռում էին, լացում․ հրդեհից հետո դեպքի վայր ժամանած փոխգնդապետը չի տեսել՝ ինչպես են զինծառայողների աճյունները հանվել 12/21/2024 21:12 Էլեկտրաէներգիայի անջատման հասցեները 12/21/2024 08:32 Քյարամյանի և Բադասյանի դեմ հաղորդում կներկայացվի․ «Հրապարակ» 12/22/2024 15:46 Մահացել է ԱԺ նախկին պատգամավոր Տիգրան Եգանյանը 12/22/2024 13:52 Տարադրամի փոխարժեքները դեկտեմբերի 22 -ին 12/21/2024 20:57 Մահվան ելքով վրաերթ՝ Արարատի մարզում. վարորդը դիմել է փախուստի. շտապօգնության բժիշկներն արձանագրել են հետիոտնի մահը 12/21/2024 11:33 Երկրորդ դրոնը հարվածել է Կազանի բարձրահարկ շենքին՝ այնտեղից մարդկանց տարհանման ժամանակ 12/21/2024 14:23 Իրանում երկրաշարժ է տեղի ունեցել 12/21/2024 12:41 Անբարոյականության գերագույն դրսեւորում է. իրենք են իրենց ընտանիքը դարձրել հանրային քննարկման առարկա 12/21/2024 08:35 «Պադավատապետության» մեքենաների կրճատումն ու ՆԳՆ նոր նախարարի` շարժական գույքի գնումները. «Ժողովուրդ» 12/21/2024 18:49 Իրանը նախատեսում է դենոմինացիա իրականացնել

Կարգապահական վարույթ է հարուցվել Յուրի Վարդանյանի որդու պաշտպանի նկատմամբ 11/18/2013 16:44 | ՀՐԱՏԱՊ ԹԵՄԱ

ՀՀ փաստաբանների պալատի նախագահ Արա Զոհրաբյանի` 15.11.2013թ. որոշմամբ` փաստաբան Վահան Հայրապետյանի (արտոնագիր 554) նկատմամբ կարգապահական վարույթ է հարուցվել՝ զանգվածային լրատվամիջոցի հրապարակման հիման վրա:

Փաստաբանների պալատի տարածած մամուլի հաղորդագրության համաձայն` վարույթ հարուցելու հիմք է հանդիսացել մասնավորապես News.am լրատվական կայքում հրապարակված հոդվածը՝ «Յուրի Վարդանյանի որդին թմրանյութ է գնել Սյունիքում` իր օգտագործման համար. փաստաբան» վերտառությամբ, որտեղ առկա է փաստաբան Վահան Հայրապետյանի հետևյալ մեջբերումը «...Իսկ թե որ մասով է նա ընդունել մեղքը, փաստաբանն առայժմ չհայտնեց՝ հավելելով, որ դեռ քննիչի մոտ լրացուցիչ հարցաքննություն չեն կազմակերպել, երբ կլինի, կասի:

«Չգիտեմ՝ ինչն է նա ընդունել, իմ կարծիքով՝ կարող է ասի՝ էս ղալաթը արել եմ, ձեռք եմ բերել, ուրիշ բաներ չեմ արել»,- ասաց փաստաբանը: Նա տեղեկացրեց, որ իր պաշտպանյալը թմրանյութ ձեռք էր բերել Սյունիքում` իր օգտագործման նպատակով: Իսկ թե ինչ քանակությամբ թմրանյութ էր ձեռք բերել, Վահան Հայրապետյանը չհայտնեց՝ համարելով նախաքննական գաղտնիք:....» (http://news.am/arm/news/179378.html):

«Փաստաբանության մասին» ՀՀ օրենքի 39.1-րդ հոդվածի 2-րդ մասի 1-ին կետի համաձայն՝ փաստաբանի նկատմամբ կարգապահական վարույթ հարուցելու առիթներն են` պետական, տեղական ինքնակառավարման և ոչ պետական մարմինների, ինչպես նաև այլ անձանց դիմումները (բողոքները), ինչպես նաև` զանգվածային լրատվամիջոցների հրապարակումները։

Պալատի նախագահը գտել է, որ հրապարակման մեջ նշված տեղեկությունը հաստատվելու դեպքում փաստաբան Վահան Հայրապետյանի վարքագիծն առերևույթ կհակասի «Փաստաբանության մասին» ՀՀ օրենքի 19-րդ հոդվածի 6-րդ կետի և Փաստաբանի վարքագծի կանոնագրքի 3.5.3 կետի պահանջներին, այն է` փաստաբանը պարտավոր է չկատարել վստահորդի շահերին հակասող որևէ գործողություն, չընդունել դիրքորոշում՝ առանց նրա հետ համաձայնեցնելու` բացառությամբ այն դեպքերի, երբ փաստաբանը համոզված է պաշտպանյալի (վստահորդի) ինքնազրպարտության մեջ, հակառակ պաշտպանյալի դիրքորոշման՝ չընդունել դեպքի հետ նրա առնչությունը և մեղավորությունը, ինչպես նաև իրավունք չունի դրդել կամ համոզել նրան իրեն մեղավոր ճանաչել:

ՓՊ նախագահի որոշման պատճառաբանական մասում նշվել է՝ «Հրապարակումից հետևում է, որ փաստաբան Վահան Հայրապետյանը տեղյակ չէ, թե ինչ է ընդունել իր վստահորդը, սակայն միևնույն ժամանակ փաստաբան Վահան Հայրապետյանն ընդունում է թմրանյութ ձեռք բերելու արարքի կապակցությամբ իր վստահորդի առնչությունը։ Այս պարագայում, ըստ հրապարակման համատեքստի, ստացվում է, որ Վահան Հայրապետյանը, չունենալով իր վստահորդի համաձայնությունը, ընդունել է նրա առնչությունը հնարավոր հանցագործության կատարման մեջ (ՀՀ քրեական օրենսգրքի 268 հոդվածը հանցագործություն է համարում զգալի չափերով թմրամիջոցներ ապօրինի պատրաստելը, վերամշակելը, ձեռք բերելը, պահելը, փոխադրելը կամ առաքելը)»։

ՀՀ փաստաբանների պալատի լրատվական ծառայությունը տեղեկացնում է, որ փաստաբանի նկատմամբ կարգապահական վարույթ հարուցելն ինքնին չի նշանակում, որ փաստաբանը թույլ է տվել կարգապահական խախտում, և այդ հարցի վերջնական պատասխանը կարող է տրվել միայն կարգապահական վարույթի իրականացման արդյունքում` ՓՊ խորհրդի համապատասխան որոշմամբ: