Փաստ ինֆո

ՄԻԱՎ-ով  վարակված աֆրիկյան  ծագումով բրիտանացին, ով իր սեռական զուգընկերների հետ ասես խաղում էր ռուսական ռուլետկա, դատապարտվել է 4,5 տարի ազատազրկման: 

Տղամարդը իմացել է իր հիվանդության մասին, սակայն առանց պաշտպանական միջոցի զբաղվել է սեռական հարաբերություններով: Նա ցանկացել է, որ աղջիկներն այդուհետ սարսափելի հիվանդությամբ վարակեն նորանոր  տղամարդկանց, հաղորդում է «Daily Mail»-ը:

32-ամյա տղամարդը, ում անունը չի հրապարակվում, իր առաջին զոհերից մեկին վարակել էր  այն ժամանակ, երբ  նրա զուգընկերն, ընդամենը, 16 տարեկան էր: 

Շուտով աղջիկն իմանում է, որ հղիացել է: Ընդ որում նա նույնիսկ չի էլ կասկածել, որ իր սիրելի տղամարդը վարակված է  մահացու հիվանդությամբ: Այդ մասին նա իմանում է շատ պատահականորեն, երբ, ինչպես իրեն էր թվում,  սովորական հետազոտության էր գնացել բժշկի մոտ: Այդ ժամանակ, արդեն, լրացել էր նրանց երեխայի մեկ տարին:

Երբ սարսափելի իրականությունը բացահայտվում է, բրիտանացին սկսում  է համոզել իր ընկերուհուն, որ նա քնի ուրիշ տղամարդկանց հետ: «Այսպիսով, մենք միայնակ չենք լինի մեր տառապանքների մեջ»,- ասել էր նա:

Աղջկա խոսքերով, երեխայի ծնվելուց հետո տղամարդը դարձավ կոպիտ և ագրեսիվ: Մի քանի անգամ նա տուն է տարել օտար կանանց և առանց պահպանակների նրանց հետ զբաղվել սեռական հարաբերություններով: Նրա հավանական զոհեր կարող էին լինել երեք հոգի: Եվ իրոք,  շուտով նրանցից մեկի մոտ բժիշկները, հայտնաբերում են  ՁԻԱՀ:

Երիտասարդ մայրն, ի վերջո,  դիմում է ոստիկանություն: 8-օրյա դատական քննությունից հետո նրա երեխայի հայրը դատապարտվում է 4,5 տարվա ազատազրկման: 

Իշխանությունները  տղամարդու առաջ պայման դրեցին, որ ապագայում որևէ մեկի հետ սեռական հարաբերություն ունենալուց առաջ հավանական զուգընկերոջը զգուշացնի իր հիվանդության մասին: Եթե այդ պահանջը խախտվի, ապա հանցագործը կպատժվի ևս  հինգ տարվա  ազատազրկմամբ: