Փաստ ինֆո

Մալաթիա-Սեբաստիա վարչական շրջանում 8-րդ հարկից ցած նետված և ինքնասպան եղած աղջիկն անձնական խնդիրներ է ունեցել, ինչն էլ հավանաբար հանգեցրել է հոգեբանական  այնպիսի վիճակի, որ աղջիկը դիմել է նման ծայրահեղ քայլի:

«Փաստինֆո»-ի տեղեկություններով՝ աղջիկը դեպքին նախորդող  օրերին նամակ է գրել իր ծանոթին հայտնելով, որ կյանքին  վերջ կտա:

Պարզվում է, որ 21-ամյա աղջիկը մի տղայի հետ է ծանոթացել սոցցանցով, հանդիպել, ծանոթացել  նաև նրա  հարազատների հետ, սակայն ինչ-ինչ պատճառով նրանց հարաբերություններն ընդհատվել են: Նա իր կյանքին վերջ դնելու մասին տղային նամակ է գրել,  որի մասին վերջինս նաև տեղեկացրել է աղջկա ընկերուհուն՝ աղջկա հետ զրուցելու համար, սակայն մինչև կփորձեին հասկանալ աղջկա սպառնալիքները իրական են թե ոչ, նրա ինքնասպանության մասին լուրը հայտնվում է զանգվածային լրատվամիջոցների էջերում:

Ինչպես ավելի վաղ տեղեկացրել էինք, Մալաթիա-Սեբաստիա վարչական շրջանի քննչական բաժնում հարուցվել է քրեական գործ՝ ՀՀ քրեական օրենսգրքի 110-րդ հոդվածի հատկանիշներով։

Քննչական կոմիտեից «Փաստինֆո»-ն տեղեկացավ, որ գործի շրջանակներում նշանակվել է հետմահու համալիր դատահոգեբանական և հոգեբուժական փորձաքննություն:

Ըստ Լրատվամիջոցներն շրջանառվող լուրերի՝ աղջիկը ով սովորում էր Խ.Աբովյանի անվան պետական մանկավարժական համալսարանի բանասիրության ֆակուլտետում բարձր առաջադիմություն է ունեցել, սակայն ամբիոնի վարիչ Լալիկ Խաչատրյանի պատճառով գերազանցությամբ սովորող աղջիկն առանց որևէ պատճառի բախվել է արհեստական խնդիրների:

Սակայն մեր տեղեկություններով, աղջիկը  խնդիրներ է ունեցել ԲՈՒՀ-ում՝ ավարտական քննությունների հետ կապված, սակայն դրանք մի քանի ամսվա վաղեմության էին եւ հարազատներն էլ քիչ հավանական են համարում այդ պատճառով ինքնասպանություն գործելը։ Ըստ ամենայնի՝ մի քանի գործոն միաժամանակ հանգեցրել են հոգեբանական այսպիսի ծանր վիճակի:

Հիշեցնենք, որ դեպքը տեղի է ունեցել հուլիսի 4-ին՝ 21-ամյա աղջիկը ինքնասպուն գործելու նպատակով Մալաթյա վարչական շրջանում 8-րդ հարկից ցած է նետվել:

Աղբյուր` Փաստինֆո