Փաստ ինֆո

Ադրբեջանական մամուլն անդրադարձել է առանց կանոնների մարտերում ադրբեջանցու հանդեպ Ալբերտ Ղազարյանի հաղթանակին, սակայն յուրովի, ինչպես միշտ՝ խեղաթյուրելով փաստերը:

Մարզական մեկնաբան ներկայացած հեղինակը խոսում է էթիկայի մասին, սակայն ինքն է առաջին հերթին խախտում դրա բոլոր գրված ու չգրված կանոնները՝ իր այսպես կոչված «տեղեկատվությունը»  կառուցելով վիրավորական բառերի ու պարզապես ստի վրա:

Ադրբեջանական haqqin.az կայքէջը գտնում է, որ հայերի ծրագրի մասն էր, որպեսզի պարտված մարզիկը՝ Մուրթազովը, ում մասին խառը մենամարտերի ադրբեջանցի մասնագետները անգամ չէին լսել, հայտնվեր դահլիճում Ադրբեջանի դրոշով:

Հեղինակը խարխափում է իր իսկ ստերի մեջ՝ մեկ ասում է, որ Մուրթազովի ադրբեջանական անձնագիրը պահպանվել է, ինչը թույլ է տվել «հայերին օգտագործել նրան իրենց նողկալի նպատակներով», մեկ էլ ասում է, որ նա անձնագիր չունի:

Ալբերտ Ղազարյանն ադրբեջանցու նկատմամբ հաղթանակը նվիրեց հայ զինվորներին (տեսանյութ)

Հեղինակին խիստ մտահոգել է, որ Ալբերտ Ղազարյանը ռինգ է դուրս եկել զինվորական համազգեստով՝ ձեռքում ծածանելով ոչ միայն Հայաստանի, այլև Լեռնային Ղարաբաղի Հանրապետության դրոշը:

Ուշացած ռեպորտաժում «մեկնաբանն» արձանագրում է՝ դա տեղի է ունենում մոսկովյան Լուժնիկիում, այն էլ՝ ռուսաստանյան՝ Բոքս TV, հեռուստաալիքի ուղիղ եթերում, և ադրբեջանական կողմը դրան որևէ կերպ դրան չի խոչընդոտում,  այստեղ ինչ-որ բան այն չէ, գտնում է վայ-վերլուծաբանը:

Ի՞նչ է ստացվում՝  իրո՞ք ազերիները չգիտեն, թե ով է իր դրոշի ներքո հանդես գալիս, ով պատահի կարող է այնտեղ հանդես գա՞լ: Եթե այդպես է, ուրեմն ադրբեջանական սպորտում  նույնպիսի խառնաշփոթ է, ինչպես բանակում, այդ դեպքում ավելի շահեկան է լռել…

Պարտությունն արդարացնելու համար ադրբեջանական կողմն իր համար ավելի հեշտ ճանապարհ է գտել՝ հրաժարվում է իր իսկ մարզիկից:

 

Աղբյուր` Փաստինֆո